Дар Душанбе оид ба ҳифзи муҳити зист, ҳолатҳои фавқулода ва тағйирёбии иқлим ҷаласа доир шуд
ДУШАНБЕ, 09.08.2023 /АМИТ «Ховар»/. Дар шаҳри Душанбе ҷаласаи навбатии Гурӯҳи кории байниидоравӣ оид ба ҳифзи муҳити зист, ҳолатҳои фавқулода ва тағйирёбии иқлим дар доираи Шурои миллии рушди назди Президенти Ҷумҳурии Тоҷикистон баргузор шуд. АМИТ «Ховар» бо истинод ба Кумитаи ҳифзи муҳити зисти назди Ҳукумати ҷумҳурӣ иттилоъ медиҳад, ки дар ҷаласа намояндагони вазорату идораҳо, шарикони рушд, ташкилоти ҷамъиятӣ ва ҷомеаи шаҳрвандӣ иштирок намуданд.
Дар ҷаласа масъалаҳои ҳифзи муҳити зист, гуногунии биологӣ, истифодаи устувори захираҳои табиӣ, таъмини муттаҳидсозии амалҳо оид ба барқарор кардани низомҳои экологии вайроншудаи табиӣ, баланд бардоштани сатҳи омодагӣ барои муқовимат ба офатҳои табиӣ ва масъалаҳои тағйирёбии иқлим, инчунин низоми огоҳкунии бармаҳал оид ба хавфи офатҳои табиӣ дар доираи Барномаи миёнамуҳлати рушди Ҷумҳурии Тоҷикистон барои солҳои 2021–2025 ва Ҳадафҳои рушди устувор баррасӣ гардид.
Доир ба вазифаҳои асосии Гурӯҳи кории байниидоравӣ оид ба ҳифзи муҳити зист, ҳолатҳои фавқулода ва тағйирёбии иқлим таъкид шуд, ки бояд тамоми гурӯҳҳои байниидоравӣ вобаста ба масъалаҳои соҳавӣ дар доираи гурӯҳи мазкур ҳамоҳангсоз гардида, фаъолияти он самаранок гардад.
Инчунин раванди иҷрои нақшаи чорабиниҳои «Барномаи миёнамуҳлати рушди Ҷумҳурии Тоҷикистон барои солҳои 2021–2025» баррасӣ гардид. Зимни он мутахассисон вобаста ба ҳолати иҷрои чорабиниҳо дар мавзуъҳои «Муҳтавои «Барномаи давлатии экологии Ҷумҳурии Тоҷикистон барои солҳои 2023-2028», «Ҳифз ва нигоҳдории гуногунии биологӣ ва истифодаи устувори захираҳои табиӣ», «Гуногунии биологӣ — ҳамгироӣ кардани чорабиниҳо оид ба барқарорсозии экосистемаҳои вайроншудаи табиӣ», «Вазифаи тақвияти низоми ҳамоҳангсозӣ ва ҳамкорӣ дар самти масъалаҳои тағйирёбии иқлим ва низоми огоҳкунии бармаҳал оид ба хавфи офатҳои табиӣ», «Таҷдиди саҳми муайяншудаи миллӣ (NDC) барои ноил шудан ба ҳадафи глобалии Конвенсияи чаҳорчӯби СММ оид ба тағйирёбии иқлим (UNFCCC) аз ҷониби Ҷумҳурии Тоҷикистон» ва «Муҳтавои лоиҳаи Нақшаи миллии мутобиқшавӣ ба тағйирёбии иқлим» маъруза намуданд.
АКС: Кумитаи ҳифзи муҳити зисти назди Ҳукумат и Ҷумҳурии Тоҷикистон
200 зани ҳунарманд ва соҳибкори Тоҷикистон соҳиби гранти президентӣ мегардад
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
Ҷашни Наврӯз дар Агентии суғуртаи иҷтимоӣ ва нафақа таҷлил карда шуд
ГИЁҲҲОИ БАҲОРӢ. Истеъмоли ин растаниҳо дар бадани инсон ба сифати маводи зиддисироятӣ хизмат менамояд
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
