Намояндагони ниҳодҳои давлатӣ бо роҳбарони ташкилоти ҷамъиятии тоҷикони муқими Русия мулоқот намуданд

ДУШАНБЕ, 09.08.2023 /АМИТ «Ховар»/. 7 август дар шаҳри Москва бо роҳбарони ташкилоти ҷамъиятии тоҷикон, намояндагону фаъолони ҷамъиятҳо ва чеҳраҳои маъруфи аҳли зиё аз ҳисоби тоҷикони муқими Русия вохӯрӣ баргузор гардид. Дар ин хусус ба АМИТ «Ховар» дар Сафорати Тоҷикистон дар Москва хабар доданд.

Зимни мулоқот оид ба масъалаҳои муҳоҷират, бахусус корҳои фаҳмондадиҳию иттилоотӣ, риояи талаботи қонунгузории Федератсияи Русия, тартиби ҳуҷчатгузорӣ, забономӯзӣ ва омодагии пеш аз сафари муҳоҷирони меҳнатӣ сухан гуфта шуд.

Ҳамчунин зимни ҷаласа ҳисоботу гузоришҳо оид ба корҳои аз ҷониби аъзои Шурои ҷамъиятӣ анҷомдода шунида шуданд.

Вазири меҳнат, муҳоҷират ва шуғли аҳолии Ҷумҳурии Тоҷикистон ва Сафири Тоҷикистон дар Русия аз тоҷикони муқими ин кишвар баҳри таҳкими минбаъдаи робитаҳо ва рушди ҳамкории иқтисодию фарҳангӣ, инчунин тарбияи ҷавонон дар руҳияи ваҳдати миллӣ ва меҳанпарастӣ бо мақсади пешгирии амалҳои номатлуб даъват ба амал оварданд.

 АКС: Сафорати Тоҷикистон дар Русия