НИШАСТИ МАТБУОТӢ. Дар Филиали Донишгоҳи давлатии Москва ба номи М.В. Ломоносов дар шаҳри Душанбе маоши омӯзгорон 20 фоиз баланд гардид
ДУШАНБЕ, 11.08.2023. /АМИТ «Ховар»/. Аз 1 июли соли равон Филиали Донишгоҳи давлатии Москва ба номи М.В. Ломоносов дар шаҳри Душанбе аз ҳисоби суратҳисоби махсуси худ маоши муаллимонро 20 фоиз зиёд намуд. Дар ин хусус имрӯз зимни нишасти матбуотӣ Директори иҷроияи филиали Донишгоҳи мазкур Рустам Ғаниев ба хабарнигорон иттилоъ дод.
«Ин тасмим дар пайравӣ ба иқдоми Пешвои миллат дар мавриди аз 1 июли соли 2023 зиёд намудани маош, нафақа ва стипендия дар Тоҷикистон гирифта шуда, инчунин бо қарори Раёсати Филиал барои дифои рисолаҳои номзадӣ ба маблағи 10 ҳазор сомонӣ ва барои рисолаи докторӣ 20 ҳазор сомонӣ ҳавасмандӣ муқаррар шудааст», — гуфт Рустам Ғаниев.
Иттилоъ дода шуд, ки дар Филиали Донишгоҳи давлатии Москва ба номи М.В. Ломоносов дар шаҳри Душанбе 29 нафар донишҷӯёни хориҷӣ таҳсил намуда истодаанд, ки 6,4% аз теъдоди умумии донишҷӯёнро ташкил медиҳанд. Ин донишҷӯён асосан аз Федератсияи Русия, ҷумҳуриҳои Узбекистон, Қазоқистон ва Ҷумҳурии Мардумии Чин мебошанд.
«Яке аз самтҳои афзалиятноки фаъолияти филиал рушди содироти хизматрасонии таълимӣ мебошад, ки дар доираи он зиёдкунии пайдарҳами миқдори донишҷӯёни хориҷӣ ба нақша гирифта шудааст»,- гуфт Рустам Ғаниев.
Тазаккур дода шуд, ки дар Филиали Донишгоҳи давлатии Москва ба номи М.В. Ломоносов дар шаҳри Душанбе татбиқи 2 лоиҳа ба маблағи умумии 152 000 сомонӣ амалӣ шуда истодааст: «Тадқиқоти физикӣ–химиявии маъданҳои кианит–силлиманитдори кони Шоҳдара дар Помири ҷанубу ғарбӣ ва коркарди тарзҳои аз нав коркардкунӣ бо роҳи бойгардонӣ, дамкунӣ ва таҷзияи оксигенӣ барои ба даст овардани сиёҳхок ва дигар маъданҳои фоиданок» ва «Омодагии омӯзгорони мактабҳои таҳсилоти умумии Ҷумҳурии Тоҷикистон ба фаъолияти инноватсионӣ дар шароити Имтиҳонҳои мутамаркази дохилшавӣ (ИМД)».
Гуфта шуд, ки яке аз вазифаҳои филиал дар доираи низоми таҳсилоти байналмилалӣ таълим додани забони русӣ мебошад. Аз соли 2014 инҷониб дар назди Филиал Маркази локалии омодагӣ ва тестии шаҳрвандони Ҷумҳурии Тоҷикистон амал мекунад. Инчунин шаҳрвандони хориҷӣ барои гирифтани Сертификат оид ба донистани забони русӣ, таърихи Русия ва асосҳои қонунгузории Федератсияи Русия ба ин марказ муроҷиат мекунанд. Дар шаш моҳи соли равон аз ҷониби марказ 20 сессияи санҷишӣ гузаронида ва 103 шартнома баста шуд, ки дар натиҷа 91 нафар аз санҷиш гузаштанд.
Зарангези ЛАТИФ,
АМИТ «Ховар»
АКС: АМИТ «Ховар»
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
Донишҷӯёни тоҷик дар Русия дар ҷаласаи шурои маҳфили «Ҷавононе, ки дар хориҷи мамлакат таҳсил доранд» иштирок намуданд
Хонандагони муассисаҳои таълимии Хатлон дар олимпиадаҳои фаннӣ ва байналмилалӣ 987 медал ба даст оварданд
Байни институтҳои илмӣ-таҳқиқотии Тоҷикистон ва Чин шартномаи ҳамкорӣ ба имзо расид
Дар Донишгоҳи технологии Тоҷикистон оид ба нақши иқтисоди даврӣ дар таъмини самараноки захираҳои табиӣ ҳамоиш доир шуд
Дар Донишгоҳи техникии Тоҷикистон доир ба энергетика ва дурнамои рушд конференсияи байналмилалӣ баргузор шуд
Дар Вазорати маориф ва илм масъалаи фарогирии кӯдакон ба муассисаҳои таҳсилоти томактаби баррасӣ гардид
ТАЪТИЛИ ЗИМИСТОНА. Хонандагони муассисаҳои таҳсилоти миёнаи умумии Тоҷикистон чанд рӯз ба таътил мебароянд?
