НИШАСТИ МАТБУОТӢ. Палатаи ҳисоб 31 маводро ба маблағи 50,2 миллион сомонӣ ба мақомоти ҳифзи ҳуқуқ барои чораҷӯӣ ва қабули қарори дахлдор ирсол намуд
ДУШАНБЕ, 11.08.2023 /АМИТ «Ховар»/. Палатаи ҳисоби Ҷумҳурии Тоҷикистон аз натиҷаи чорабиниҳои аудиторӣ 31 маводро ба маблағи 50 миллиону 200 ҳазор сомонӣ барои чораҷӯӣ ва қабули қарорҳои дахлдор ба мақомоти ҳифзи ҳуқуқ супорид. Аз ҷумла, ба мақомоти Прокуратура 18 мавод ба маблағи 24 миллиону 600 ҳазор сомонӣ, мақомоти Суди Олии иқтисодӣ 1 мавод, Кумитаи давлатии амнияти миллӣ 2 мавод ба маблағи 338 ҳазор сомонӣ ва ба Агентии назорати давлатии молиявӣ ва мубориза бо коррупсия 10 мавод ба маблағи 25 миллиону 200 ҳазор сомонӣ ирсол намуд. Дар ин хусус имрӯз зимни нишасти матбуотии Палатаи ҳисоби Ҷумҳурии Тоҷикистон оид ба ҷамъбасти шашмоҳаи аввали соли 2023 иттилоъ дода шуд.
Ҳамчунин дар асоси дархости мақомоти ҳифзи ҳуқуқ дар баъзе аз муассисаҳои буҷетии шаҳру ноҳияҳо аудити молиявӣ гузаронида шуда, қоидавайронкуниҳои молиявӣ ба маблағи 1 миллиону 100 ҳазор сомонӣ муайян ва барқарор гардид.
Тибқи нақшаи корӣ ва муроҷиати мақомоти ҳифзи ҳуқуқ, дар шашмоҳаи соли равон чорабиниҳои аудиторӣ дар 17 субъекти хоҷагидории давлатӣ гузаронида шуда, қоидавайронкуниҳои молиявӣ ба маблағи 8 миллиону 600 ҳазор сомонӣ муайян шуданд. Инчунин дар натиҷаи муроҷиати асосноки мақомоти ҳифзи ҳуқуқ дар ин давра дар 8 субъекти хоҷагидории ғайридавлатӣ чорабиниҳои аудиторӣ гузаронида шуда, қоидавайронкуниҳои молиявӣ ба маблағи 22 миллиону 700 ҳазор сомонӣ муайян ва аз ин ҳисоб 18 миллион сомонӣ барқарор гардид.
Раъно НУСРАТУЛЛО,
АМИТ «Ховар»
АКС: АМИТ «Ховар»
Тоҷикистон ва Қазоқистон дар соҳаи рушди низоми тиҷорати электронӣ ҳамкориро тақвият медиҳанд
Байни Тоҷикистон ва Арабистони Саудӣ дар самти муқовимат ба коррупсия Ёддошти тафоҳум оид ба ҳамкорӣ ба имзо расид
САРФАИ НЕРУИ БАРҚ МАСЪУЛИЯТИ АХЛОҚИИ ҲАР ЯК ШАҲРВАНД АСТ! Чанд тавсия дар Рӯзи байналмилалии сарфаи энергия
Дар Конфронси байналмилалии телекоммуникатсия се самти афзалиятноки рушди соҳаи алоқаи Тоҷикистон муаррифӣ гардид
РӮЗИ БАЙНАЛМИЛАЛИИ САРФАИ ЭНЕРГИЯ. Истифодаи самараноки неруи барқ яке аз ҳадафҳои муҳими Стратегияи миллии рушди Тоҷикистон аст
Тоҷикистон ва Қазоқистон ҳамкориро дар соҳаи зеҳни сунъӣ густариш медиҳанд
Идоракунии устувори захираҳои обҳои зеризаминӣ дар Тоҷикистон баррасӣ гардид
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
Ҳамкории саноатӣ ва сармоягузории Тоҷикистону Қазоқистон густариш меёбад
Оид ба тақвияти ҳамкории Тоҷикистон ва Қазоқистон дар соҳаи геология Ёддошти тафоҳум оид ба ҳамкорӣ ба имзо расид
Густариши ҳамкории Тоҷикистон ва Чин дар соҳаи меъморию сохтмон баррасӣ гардид
