НИШАСТИ МАТБУОТӢ. Шумораи шаҳрвандони хориҷие, ки ба Тоҷикистон омадаанд, нисбат ба соли гузашта 40,7% зиёд аст
ДУШАНБЕ, 09.08.2023. /АМИТ «Ховар»/.Тибқи маълумоти оморӣ, дар шашмоҳаи аввали соли 2023 шумораи шаҳрвандони хориҷие, ки ба Ҷумҳурии Тоҷикистон омадаанд, бо дарназардошти ҳама намуди мақсадҳои сафар (хизматӣ, истироҳатӣ ва ғайра) 627 ҳазору 931 нафарро ташкил намуд, ки нисбат ба шашмоҳаи аввали соли гузашта 181 ҳазору 867 нафар ё 40,7% зиёд мебошад. Ин нуктаро имрӯз, 9 август Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод зимни нишасти матуботӣ ба хабарнигорон баён дошт.
Мавсуф гуфт, ки аз шумораи умумии шаҳрвандони хориҷие, ки ба Ҷумҳурии Тоҷикистон омада буданд, 487 ҳазору 403 нафарашон ба ҳайси сайёҳ омадаанд, ки нисбат ба ҳамин давраи соли 2022 124 ҳазору 314 сайёҳ ё 34,2% зиёд мебошад. Тибқи ин нишондиҳанда, аз кишварҳои Иттиҳоди Давлатҳои Мустақил 453 ҳазору 559 нафар ва аз давлатҳои хориҷи дур 33 ҳазор 844 нафар сайёҳон ворид гардидаанд.
Дар давраи ҳисоботӣ, ба ҳолати моҳҳои январ ва июни соли 2023 дар ҷумҳурӣ дар маҷмуъ 297 субъекти хизматрасони сайёҳӣ- 191 меҳмонхона, 26 хостел (меҳмонхонаи хурд) ва мотел (меҳмонхонаи канори роҳ барои ронандагон), 53 осоишгоҳ, 6 осоишгоҳи кӯдакона ва лагерҳои солимгардонӣ, 7 маркази муолиҷавӣ ва дармонгоҳҳои солимгардонӣ, 8 хонаи истироҳатӣ, 1 кемпинг (лагер), 5 базаи сайёҳӣ ва истироҳатӣ фаъолият намуданд, ки шумораи миёнаи кормандони субъектҳои хизматрасони онҳо 4064 нафарро ташкил менамояд.
Ҳамзамон дар нишаст тазаккур дода шуд, ки дар давраи ҳисоботӣ бо мақсади рушди ҳамкорӣ ва ҷалби бештари сайёҳон 4 санади ҳамкорӣ бо давлатҳои хориҷӣ ба имзо расонида шуд. Дар маҷмуъ 16 санади ҳамкорӣ бо кишварҳои хориҷӣ ва созмонҳои байналмилалӣ, аз ҷумла Амороти Муттаҳидаи Араб, Шри-Ланка, Урдун, Узбекистон, Қазоқистон, Русия, Швейтсария, Фаронса, Кувайт, Туркманистон, Озарбойҷон, Эрон, Покистон, Беларус, Қатар ва Созмони ҳамкории Шанхай ба имзо расонида шуданд.
София ШОИК,
АМИТ «Ховар»
АКС: АМИТ «Ховар»
Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор гардид
Дар шаҳри Кӯлоб ҷаласаи аъзои Ситоди вилоятӣ оид ба ҷалби ҷавонон ба сафи Қувваҳои Мусаллаҳ доир шуд
Дурнамои ҳамкорӣ байни минтақаҳои Тоҷикистон ва вилояти Калинингради Русия баррасӣ гардид
Вазъи шабакаи муассисаҳои кумаки аввалини тиббию санитарӣ дар Тоҷикистон мавриди баррасӣ қарор гирифт
Тоҷикистон тибқи уҳдадориҳои байналмилалии худ «Раванди Душанбе оид ба мубориза бо терроризм»-ро амалӣ намудааст
Ҳамкории давлатҳои Осиёи Марказӣ ҷиҳати рушди таҳсилоти олии касбӣ густариш меёбад
Намояндаи Тоҷикистон давлатҳои аъзои Машварати ҳамкорӣ ва тадбирҳои боварӣ дар Осиёро ба Конфронси Душанбе даъват намуд
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Италия Серҷо Маттарелла барқияи изҳори тасаллӣ ирсол намуданд
Намояндаи Тоҷикистон дар Самарқанд бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд
Дар Ню-Йорк ҷаласаи ғайрирасмии вазирони корҳои хориҷии давлатҳои аъзои Созмони ҳамкории иқтисодӣ доир шуд
Таъкидҳои муҳим аз суханронии Президенти Тоҷикистон Эмомалӣ Раҳмон дар мубоҳисаҳои умумии Иҷлосияи 78-уми Маҷмаи Умумии Созмони Милали Муттаҳид ба хотири таъмини сулҳ, амният, пешрафт ва тараққиёти байналмилалӣ
«БЕҲТАРИН ХИЗМАТЧИИ ДАВЛАТӢ». Дар Ҳисор даври минтақавии озмун аз ҳисоби занҳо баргузор гардид
