ОМОДАГИИ МУАССИСАҲОИ ТИББӢ БА ЗИМИСТОН. Дар Хуҷанд корҳои омодагӣ дар муҳлати муайяншуда анҷом дода мешаванд
ДУШАНБЕ, 16.08.2023. /АМИТ «Ховар»/. Дар шаҳри Хуҷанд роҳбарияти вилояти Суғд бо фаъолият ва вазъи омодагии Беморхонаи клиникавии шаҳрии №1 ва Беморхонаи клиникавии шаҳрии №2 ба давраи тирамоҳу зимистон шинос гардид. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Аснои боздид роҳбари вилоят вазъи омодагии муассисаҳои тиббӣ ба давраи тирамоҳу зимистонро мавриди таваҷҷуҳ қарор дод.
Тавре иттилоъ дода шуд, барои омодагӣ ва дар сатҳи зарурӣ сипарӣ намудани фасли сармо қарори Ҳукумати мамлакат ва қарори марбутаи Раиси вилоят ба имзо расида, ташкилоту идораҳо вазифадор гардидаанд, ки маводи сӯхт захира намоянд.
Дар муассисаҳои нигоҳдории тандурустии вилоят захира намудани 5163,3 тонна ангишт ва 1431,6 м3 ҳезум ба нақша гирифта шудааст.
Раиси вилоят ба масъулин дастур дод, ки корҳои омодагӣ ба зимистонгузаронӣ дар муҳлати муайяншуда ба анҷом расонида шуда, фаъолияти марказҳои гармидиҳӣ пурра таъмин шавад.
Ёдовар мешавем, ки бинои асосии табобатии Беморхонаи клиникавии шаҳрии №1-и шаҳри Хуҷанд баъди таъмиру навсозии куллӣ ва бинои маъмурияти беморхона, стансияи ёрии таъҷилии тиббӣ, чойхонаи миллӣ, меҳмонхона ва коргоҳи истеҳсоли оксиген як сол пеш ифтитоҳ гардида буданд. Ин иқдом дар доираи таваҷҷуҳи Ҳукумати ҷумҳурӣ ба соҳаи тандурустӣ, ба талаботи замони муосир мутобиқ гардонидани шароити муассисаҳои тиббӣ аз ҷониби мақомоти иҷроияи ҳокимияти давлатии вилояти Суғд ва шаҳри Хуҷанд амалӣ шудааст.
АКС: Хадамоти матбуоти Раиси вилояти Суғд
Соли равон филиали Донишгоҳи давлатии Москва ба номи М.В.Ломоносовро 105 нафар хатм намуд
БАҲОГУЗОРИИ МУОСИР. Низоми 10-хола на танҳо рақам, балки роҳ ба сӯи адолат, шаффофият ва рушди воқеии қобилияти хонандагон аст
200 нафар хонандагони болаёқати шаҳри Душанбе ба истироҳатгоҳи «Шарора» ҷалб гардиданд
Бахшида ба Соли байналмилалии ҳифзи пиряхҳо китоби «Қалби яхбастаи Осиё. Пиряхҳои Тоҷикистон дар мусаввараҳо ва суратҳо» ба нашр расид
85 фоизи хатмкунандагони филиали Донишгоҳи миллии таҳқиқотии технологӣ «МИСИС» бо ҷойи кор таъмин мегарданд
Муовини Сарвазири Тоҷикистон бо омодагии муассисаҳои таълимии вилояти Суғд ба соли нави хониш шинос шуд
НИШАСТИ МАТБУОТӢ. Филиали Донишгоҳи давлатии Москва дар Душанбе бо 40 муассисаи хориҷӣ ҳамкории илмӣ дорад
Фарогирии кӯдакон ба зинаи томактабӣ дар Душанбе дар сатҳи ҷумҳурӣ натиҷаи баландтарин аст, — бардошт аз мулоқот бо кормандони соҳаи маорифи пойтахт
Дар 77 муассисаи таълимии Истаравшан беш аз 60 ҳазор хонанда ба таҳсил фаро гирифта шуд
Дар Суғд таҳти раёсати муовини Сарвазири Тоҷикистон Дилрабо Мансурӣ оид ба иҷрои барномаҳои давлатии соҳаи маориф ҷаласа доир шуд
Маркази миллии тестӣ: сатҳи истифодаи хизматрасонии онлайнӣ аз ҷониби довталабон нигаронкунанда аст
Омӯзгорони тоҷик дар даври омӯзишии байналмилалии «KLIC LEAD Global Workshop 2025» дар Корея иштирок доранд
