РАФЪИ ПАЙОМАДҲОИ ОФАТИ ТАБИӢ. Дар Урметан корҳои бартарафсозӣ идома дошта, 150 метр роҳ дар Лахш аз сел тоза шуд

Август 2, 2023 17:28

ДУШАНБЕ, 02.08.2023. /АМИТ «Ховар»/. Мақомоти иҷроияи ноҳияи Айнӣ шабонарӯзи гузашта дар деҳаи Лангари Ҷамоати деҳоти Урметани ноҳияи Айнии вилояти Суғд барои бартарафсозии пайомадҳои офати табиӣ  ва расонидани кумак ба оилаҳои осебдида, тоза кардани қубурҳои интиқоли об, кӯчаву роҳҳо аз селовардҳо 150 нафар сокинон ва 7 техникаи муҳандисӣ ҷалб намуд. Дар натиҷа то имрӯз 4 хонаи истиқоматӣ, 2 иншооти ёрирасон, 200 метр роҳ ва 80 метр селроҳа аз ҳар гуна селовардҳо ва лойқа тоза гардид.  Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.

Мақомоти иҷроияи  ҳукумати ноҳияи Зафаробод ба зарардидагон аз офати табиӣ маводи ғизоӣ, аз ҷумла 500 кило орд, 100 кило макарон, 56 литр равғани растанӣ, 100 кило сабзӣ, 300 кило пиёз ва дигар маҳсулоти боғдорӣ кумак намуд. Дар айни замон корҳои рафъи пайомадҳои офати табиӣ идома доранд.

Ёдовар мешавем, ки 28 июл дар ҳудуди деҳаи Урметани Ҷамоати деҳоти Урметани ноҳияи баландкӯҳи Айнӣ сел омада, ба боғу зироати мардум, кӯчаю роҳрав ва баъзе хонаҳои истиқоматӣ хисорот расонид.

Ҳамчунин 31 июли соли 2023, тахминан соати 18:00 дар километри 250-уми роҳи мошингарди Душанбе-Ваҳдат-Лахш, ки аз тариқи Арпчакаппаи Ҷамоати деҳоти Сурхоби ноҳияи Нуробод мегузарад,  бар асари болоравии ҳарорати ҳаво об шудани пиряхҳо ба мушоҳида расид.

Дар натиҷа сатҳи оби кӯли Сугат боло рафта, об аз соҳил берун шуд ва  150 метр роҳ зери обу лойқа монд. Ин ҳолат  роҳро барои ҳаракати мошинҳо муваққатан номумкин гардонд.

Бо мақсади бартараф кардани пайомадҳои ин офат хадамоти роҳи ноҳияи Лахш 4 техникаи муҳандисӣ ҷалб намуд. 1 август роҳ пурра тоза ва ҳаракати нақлиёт шуруъ шуд.

 АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон

Август 2, 2023 17:28

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд