Шуруъ аз имрӯз ба таври нақдӣ қабул намудани пардохти хизматрасонии музднок дар Тоҷикистон манъ мегардад
ДУШАНБЕ, 01.08.2023 /АМИТ «Ховар»/. Шуруъ аз имрӯз, 1 август дар Ҷумҳурии Тоҷикистон дар асоси Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» пардохти андозҳо, боҷҳои давлатӣ барои додани иҷозат ва иҷозатномаҳо, пардохтҳои дигари ҳатмӣ ба буҷет, ҷаримаҳо, маблағи суғуртаи ҳатмии давлатӣ, хизматрасонии тиббӣ, хизматрасонии коммуналӣ, намудҳои дигари хизматрасонии давлатӣ, инчунин қабули маблағҳо аз ҷониби вазорату идораҳо ва ташкилоти давлатӣ тариқи ғайринақдӣ амалӣ мешавад.
Инчунин аз ҷониби вазорату идораҳо, ташкилоти давлатӣ ва ташкилоти қарзии молиявии ҷумҳурӣ ба таври нақдӣ қабул намудани пардохти хизматрасонии музднок манъ мегардад.
Иқдоми мазкур саривақтӣ ва муҳим буда, пеш аз ҳама, барои таъмини шаффофияти амалиёти молиявӣ, ғанӣ гардонидани буҷети давлатӣ, пешгирии омилҳои коррупсионӣ, мусоидат ба рушди бахши молиявӣ, тавсеаи фарогирии молиявӣ дар мамлакат ва баланд бардоштани маърифати молиявии аҳолӣ заминаи воқеӣ мегузорад.
Ба АМИТ «Ховар» дар Корхонаи воҳидаи давлатии «Бонки амонатгузории Ҷумҳурии Тоҷикистон «Амонатбонк» иттилоъ доданд, ки ҷиҳати тақвияи инфрасохтори зарурӣ барои пардохти ғайринақдии андозҳо, боҷҳои давлатӣ, ҷаримаҳо, маблағи суғуртаи ҳатмӣ, хизматрасонии коммуналӣ ва намудҳои дигари хизматрасонии давлатӣ дар филиалҳо, марказҳои хизматрасонии бонкӣ ва биноҳои нозироти андоз, дар маҷмуъ 853 адад постерминал, аз ҷумла 820 адад дар филиалҳои бонк ва 33 адад дар нозироти андоз насб шудаанд.
Дар асоси фармони мазкур инчунин Бонки миллии Тоҷикистон, вазорату идораҳо, ташкилоти давлатӣ ва ташкилоти қарзии молиявии ҷумҳурӣ муваззаф гардида буданд, ки инфрасохтори заруриро барои қабули пардохтҳои ғайринақдии худ то 1 августи соли 2023 таҳия, ташкил ва таъмин намоянд.
АКС: «Амонатбонк»
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
Дар ҷаласаи 86-уми Кумита оид ба рушди шаҳрсозӣ, манзил ва идоракунии замин стратегияи рушди соҳаи сохтмони Тоҷикистон муаррифӣ шуд
Ҳамкории кишварҳои Иттиҳоди Давлатҳои Мустақил дар соҳаи нақлиёт густариш меёбад
ИМРӮЗ — РӮЗИ ҶАҲОНИИ ПОЧТА. «Почтаи Тоҷикистон» дар шакли муосир хизмат мерасонад
Дурнамои ҳамкории Тоҷикистон ва БАТР дар соҳаи энергетика баррасӣ шуд
ҚУРБИ АСЪОР: 1 рубли русӣ аз 0.1141 то 0.1120 сомонӣ муқаррар шудааст
Тоҷикистон ҳамкориро дар масъалаи саводнокии рақамӣ бо Барномаи рушди СММ тақвият медиҳад
Барои инъикоси Саммити «Осиёи Марказӣ-Русия» ва ҷаласаи Шурои сарони давлатҳои ИДМ шароити мусоид фароҳам гардидааст
Кишоварзони ноҳияи Бобоҷон Ғафуров имсол беш аз 18 ҳазор тонна пахта ҷамъоварӣ менамоянд
Дар ноҳияи Ҷаббор Расулов нақшаи истеҳсоли пахта беш аз 12 ҳазор тонна муайян карда шудааст
Ҳамкории Тоҷикистон бо БАТР дар самти ҷалби сармоя ба технологияҳои нав баррасӣ гардид
