ЯКШАНБЕИ ЯКУМИ АВГУСТ-РӮЗИ РОҲИОҲАНЧИЁНИ ТОҶИК! Барои зиёд намудани ҳаҷми боркашонию мусофирбарӣ мунтазам сабукиҳо пешниҳод мешаванд

Август 4, 2023 10:22

ДУШАНБЕ, 04.08.2023. /АМИТ «Ховар»/. Ҳамасола дар Тоҷикистон якшанбеи якуми моҳи август Рӯзи роҳиоҳанчиёни тоҷик ҳисобида мешавад. Бахшида ба ин иди касбӣ имрӯз баргузории бархе чорабиниҳо дар назар дошта шудааст. Дар ин хусус ба АМИТ «Ховар» дар Корхонаи воҳиди давлатии «Роҳи оҳани Тоҷикистон» иттилоъ доданд.

Корхонаи воҳиди давлатии «Роҳи оҳани Тоҷикистон» дар партави дастуру супоришҳо ва роҳнамоиву ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар даврони соҳибистиқлолӣ таъсис ёфтааст. Тайи солҳои соҳибистиқлолӣ он ба дастоварду муваффақияти зиёди меҳнатӣ ноил гардида, дар татбиқи ҳадафҳои стратегии мамлакат нақши муасир мегузорад.

Танҳо дар шашмоҳаи аввали соли 2023  аз ҷониби корхона дар ҳаҷми 3 миллиону 206 ҳазор тонна бор кашонида шудааст, ки нисбат ба ҳамин давраи соли гузашта 457,6 ҳазор тонна ё 16,6 % зиёд мебошад.

Дар Корхонаи воҳиди давлатии «Роҳи оҳани Тоҷикистон» дар шашмоҳаи аввали соли 2023  содироти молҳои хоҷагии халқ 378,2 ҳазор тоннаро ташкил медиҳад. Воридоти молу маҳсулоти гуногун 2 млн 553 ҳазор тоннаро дар мегирад, ки он нисбат ба ҳамин давраи соли гузашта 626 ҳазор тонна зиёд аст.

Бояд гуфт, ки Роҳи оҳани Тоҷикистон дар асоси  супориши Ҳукумати Ҷумҳурии Тоҷикистон барои зиёд намудани ҳаҷми боркашонию мусофирбарӣ ва ҷалби бештари шаҳрвандон ҷиҳати истифода аз хизматрасониҳои роҳи оҳан мунтазам сабукиҳо пешниҳод менамояд. Масалан, барои кашонидани маҳсулоти зудвайроншавандаи кишоварзӣ аз 30% то 80% сабукӣ, барои семент аз 30% то 50%, барои алюминий- 60%, барои гилхок- 10%, барои сӯзишворӣ- 40%, барои кашонидани пиёз аз ҳамаи истгоҳҳои Хатлон то истгоҳи Амузанг- 80% ва барои дигар намуди борҳо вобаста аз истгоҳи борфиристӣ 30% сабукӣ пешниҳод гардидааст.

Роҳбарияти Роҳи оҳани Тоҷикистон дар оянда  нақша доранд, ки барномаи боркашонии содиротиву воридотии мамлакатро тавассути роҳи оҳан таъмин намуда, мусофиркашонӣ ва хизматрасонӣ ба мусофиронро боз ҳам бештару беҳтар гардонанд.

Ҳамзамон сармояи бештари хориҷӣ ҷалб намуда, вагонҳои наву муосир харидорӣ намоянд.

АКС: Корхонаи воҳиди давлатии «Роҳи оҳани Тоҷикистон»/ аз бойгонӣ

Август 4, 2023 10:22

Хабарҳои дигари ин бахш

«Саноатсодиротбонк» аъзои Ассотсиатсияи институтҳои молиявии рушд дар Осиё ва минтақаи уқёнуси Ором гардид
Тақвияти ҳамкории Бонки миллии Тоҷикистон бо ICBC ва RAMP дар Вашингтон баррасӣ гардид
Ҳиссаи хоҷагиҳои ҷамъиятӣ дар ҳаҷми умумии маҳсулоти кишоварзӣ бештар гардидааст
Дар ноҳияи Муъминобод кишти зироати кишоварзӣ идома дорад
НАҚЛИЁТИ БАРҚӢ. Тоҷикистон ба мавҷи аккумуляторҳои истифодашудаи онҳо чӣ гуна омодагӣ мебинад?
Муовини якуми Сарвазири Ҷумҳурии Тоҷикистон бо Президенти Гурӯҳи Бонки ҷаҳонӣ мулоқот намуд
Тоҷикистон дар самти моликияти зеҳнӣ дар даврони соҳибистиқлолӣ ба 39 созишномаю конвенсияҳои байналмилалӣ ҳамроҳ шуд
Бахшида ба Рӯзи байналмилалии моликияти зеҳнӣ як зумра ихтироъкорони Тоҷикистон қадрдонӣ карда шуданд
Дар Тоҷикистон шумораи субъектҳои хоҷагидорӣ 5,1 фоиз зиёд гардидааст
Ҳайати Тоҷикистон дар Малайзия бо дастовардҳо дар самти татбиқи Ҳадафҳои Рушди Устувор шинос гардид
Байни Тоҷикистон ва Русия дар соҳаи энергетика Протоколи муҳим ба имзо расид
Дар Душанбе доир ба масъалаи равишҳои инноватсионӣ дар соҳаи тиб ҳамоиш доир шуд