Дар Душанбе ҳамоиши соҳибкорони Тоҷикистон ва Қазоқистон доир шуд
ДУШАНБЕ, 12.09.2023. /АМИТ «Ховар»/. Имрӯз дар шаҳри Душанбе Бизнес-форуми соҳибкорони Тоҷикистон ва Қазоқистон баргузор шуд, хабар медиҳад АМИТ «Ховар».
Ин ҳамоиш дар чорчӯби панҷумин Вохўрии ҷашнии машваратии сарони кишварҳои Осиёи Марказӣ баргузор шуд, ки 14-15 сентябр бо раёсати Президенти Ҷумҳурии Тоҷикистон муҳтарам Эмомалӣ Раҳмон дар шаҳри Душанбе баргузор мешавад. Дар ин ҳамоиш 15 ширкати тавлиди хӯрокворӣ, сохтмонсозӣ, нафтӣ, кимиё, IT, дорусозӣ аз Қазоқистон ширкат доштанд, ки ба Тоҷикистон колову хадамот содир мекунанд ва ё дар нақша доранд дар оянда содир кунанд.
Дар ҳамоиши мазкур таъкид шуд, ки Тоҷикистон ва Қазоқистон имрӯзҳо дар чорчӯби қарордодҳои дуҷониба барои таъмини бозори дохилӣ ва содироту воридоти колову хадамоти гуногун кӯшишу талош доранд.
Ҳамчунин ёдоварӣ шуд, ки Форум барои густариши имконоти тиҷории Тоҷикистон ва Қазоқистон, табодули таҷриба ва густариши равобит миёни бозаргонони ду мамлакат, ҳамчунин таҳким ва рушди ҳамкории дуҷониба дар заминаҳои мухталиф хидмат мекунад. Ҳамзамон иштироккунандагон ҳадафи аслии ҳамоишро роҳандозии равобити мустақим ва фаъолсозии равобити тиҷории корхонаҳои Тоҷикистон ва Қазоқистон унвон карданд.
Иттилоъ дода шуд, ки соли 2022 гардиши тиҷорати хориҷӣ миёни Ҷумҳурии Тоҷикистон ва Ҷумҳурии Қазоқистон 1,5 миллиард долларро ташкил дод, ки ин рақам нисбат ба соли 2021 ба андозаи 263 млн ё 22, 2% бештар аст. Ёдовар мешавем, ки равобити дипломатӣ миёни Ҷумҳурии Тоҷикистон ва Ҷумҳурии Қазоқистон 7 январи соли 1993 барқарор шуданд.
АКС: АМИТ «Ховар»
ПЕШГИРИИ ОҚИБАТҲОИ ТАҒЙИРЁБИИ ИҚЛИМ. Дар Тоҷикистон майдони дарахтони саксавул ва павловния васеъ мегардад
Дар Тоҷикистон шумораи истифодабарандагони интернет 5,2 миллион нафарро ташкил медиҳад
Байни Тоҷикистон ва Қирғизистон оид ба ҳамкории тиҷоратӣ Ёддошти тафоҳум ба имзо расид
НИШАСТИ МАТБУОТӢ. Соли 2025 ба соҳаҳои иқтисодии Тоҷикистон 57,1 миллиард сомонӣ равона карда шуд
Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
Тсзоу Ҷиайи: «Бонки Осиёии Сармоягузориҳои Инфрасохторӣ барномаҳои миллӣ ва минтақавии рушди Тоҷикистонро дастгирӣ менамояд»
Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид
Татбиқи лоиҳаи «Азнавпайвастшавӣ ба низоми ягонаи энергетикии Осиёи Марказӣ» баррасӣ гардид
Ҷаласаи якуми Шурои байниҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Дар ҷаласаи Шуро оид ба шарикии давлат ва бахши хусусӣ чор лоиҳаи нав ба маблағи 82,5 миллион сомонӣ баррасӣ шуд
Дар Тоҷикистон хизматрасонии интернети моҳворавии Starlink расман оғоз гардид
НИШАСТИ МАТБУОТӢ. Ба буҷети давлатӣ аз ҳисоби бақияи қарзи андозҳо беш аз 2 миллиард сомонӣ ворид карда шуд
