Дар Душанбе масъалаҳои рақамикунонии хизматрасонии давлатӣ мавриди баррасӣ қарор гирифт
ДУШАНБЕ, 20.09.2023 /АМИТ «Ховар»/. Имрӯз дар Душанбе бо ташаббуси Вазорати адлияи Тоҷикистон Конференсияи байналмилалӣ дар мавзуи «Рақамикунонии хизматрасониҳои давлатӣ дар Ҷумҳурии Тоҷикистон: ҳамгироии байниидоравӣ ва мутобиқати функсионалии низомҳои иттилоотӣ» баргузор гардид. Дар конференсияи мазкур Сафири Иттиҳоди Аврупо дар Тоҷикистон, намояндаи доимии Барномаи рушди Созмони Милали Муттаҳид дар Тоҷикистон, намояндаи Вазорати адлияи Узбекистон, инчунин роҳбарон ва мутахассисони вазорату идораҳои дахлдори Ҷумҳурии Тоҷикистон иштирок намуданд, — хабар медиҳад хабарнигори АМИТ «Ховар» аз макони баргузории конференсияи байналмилалӣ.
Пас аз суханони ифтитоҳии Вазири адлияи Ҷумҳурии Тоҷикистон кори конференсия дар шакли ҷаласаҳои алоҳида идома ёфт.
Дар ҷаласаи якум масъалаҳои ҳамгироии байниидоравӣ ва мувофиқати низомҳои электронӣ баррасӣ шуданд. Эътироф гардид, ки набудани ҳамгироӣ бо дигар низомҳои электроние, ки дар доираи онҳо асноди ҳолати шаҳрвандӣ сабт мешаванд, яке аз мушкилоти асосии рушди Тоҷикистон мебошад. Бинобар ҳамин дар ҳаёт татбиқ намудани лоиҳаи рақамикунонии хизматрасонии давлатӣ ба беҳтар намудани банақшагирӣ ва таҳияи буҷет мусоидат менамояд. Инчунин ба шарофати дастгирии ҳамгироии низоми бақайдгирии асноди ҳолати шаҳрвандӣ бо дигар низомҳои электронӣ ба ҳукумати электронӣ заминаи зарурӣ гузошта мешавад.
Иштирокдорони Конференсияи байналмилалӣ дар ҷаласаи дуюм вобаста ба амалисозии хизматрасонии давлатӣ тибқи талаботи Қонуни Ҷумҳурии Тоҷикистон «Дар бораи хизматрасониҳои давлатӣ» мулоҳизаҳо пешниҳод намуданд. Иштирокдорон ҳамчунин оид ба мутобиқ будани сохтори мавҷудаи Вазорати адлия барои ҷорӣ намудани ҳукумати электронӣ, таъсис додани марказҳои пешниҳоди хизматрасонӣ ба аҳолӣ, интернет-портали ҳукумати электронӣ, рақами миллии беназири ягона ва дигар масъалаҳои мавзуӣ муҳокимаронӣ намуданд.
Бояд гуфт, ки Вазорати адлия бо Қарори Ҳукумати Ҷумҳурии Тоҷикистон мақоми ваколатдори давлатӣ дар соҳаи хизматрасонии давлатӣ мебошад.
А.САНГЗОДА,
АМИТ «Ховар»
АКС: АМИТ «Ховар»
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
