Прокурори генералии Тоҷикистон дар Озарбойҷон оид ба таҷрибаи муқовимат ба гардиши ғайриқонунии маводи нашъаовар маъруза намуд
ДУШАНБЕ, 18.09.2023. /АМИТ «Ховар»/. 15 сентябр Прокурори генералии Ҷумҳурии Тоҷикистон Юсуф Раҳмон дар ҷаласаи 33-юми Шурои ҳамоҳангсозии прокуророни генералии давлатҳои иштирокчии Иттиҳоди Давлатҳои Мустақил, ки дар шаҳри Бокуи Ҷумҳурии Озарбойҷон баргузор шуд, иштирок намуда, дар хусуси таҷрибаи Ҷумҳурии Тоҷикистон оид ба муқовимат ба гардиши ғайриқонунии маводи нашъаовар маъруза намуд. Дар ин хусус ба АМИТ «Ховар» дар Прокуратураи генералии ҷумҳурӣ хабар доданд.
Дар ҷараёни ҳамоиш мулоқотҳои алоҳидаи дуҷониба бо прокуророни генералии Федератсияи Русия, Ҷумҳурии Озарбойҷон ва дигар давлатҳои иштирокчии ИДМ баргузор гардида, зимни он масъалаҳои дастгир ва истирдод намудани ҷинояткорони махсусан хавфнок, муқовимати муштарак ба терроризм ва экстремизм, киберҷиноятҳо, муомилоти ғайриқонунии воситаҳои нашъадор, расонидани ёрии ҳуқуқӣ оид ба парвандаҳои ҷиноятӣ ва дигар масъалаҳои мубрами ҳуқуқӣ баррасӣ шуданд.
Нимаи дуюми 15 сентябр Прокурори генералии Ҷумҳурии Тоҷикистон Юсуф Раҳмон дар ҷаласаи 4-уми прокуророни генералии давлатҳои Созмони ҳамкории иқтисодӣ иштирок намуда, вобаста ба таҳдиду хатарҳои терроризми байналмилалӣ дар минтақаи Осиёи Марказӣ бо инобати вазъи амниятӣ дар Афғонистон маъруза намуд.
Дар доираи ин ҷаласа Прокурори генералии Ҷумҳурии Тоҷикистон бо прокуророни генералии Ҷумҳурии Туркия, Ҷумҳурии Исломии Эрон ва дигар ҳамтоёни хориҷӣ мулоқоти дуҷониба анҷом дода, пеш аз ҳама, кофтуков ва дастгир намудани ҷинояткорони махсусан хавфнок, истирдоди онҳо ва дигар масъалаҳои мубрами ҳуқуқиро баррасӣ намуд.
АКС: Кумитаи иҷроияи ИДМ
ҶОМИ ҶАҲОН-2026. Дар Душанбе байни дастаҳои мунтахаби Афғонистон ва Муғулистон бозии интихобӣ доир мешавад
Дар Тоҷикистон ҳаҷми гардиши савдои яклухт, чакана ва таъмири автомобилҳо афзудааст
«ҶОМИ РАИСИ ШАҲРИ ДУШАНБЕ». Дар Душанбе Чемпионати кушоди варзишӣ оид ба велосипедронӣ доир гардид
Бахшида ба Рӯзи Мавлоно дар ноҳияи Ҷалолиддини Балхӣ ҳамоиши бошукуҳ баргузор шуд
Дурнамои ҳамкорӣ байни минтақаҳои Тоҷикистон ва вилояти Новосибирски Русия баррасӣ гардид
Сафари кории Президенти Ҷумҳурии Тоҷикистон Эмомалӣ Раҳмон дар Олмон оғоз гардид
МУРОҶИАТНОМАИ ҶСК «БАРҚИ ТОҶИК» БА МУШТАРИЁНИ НЕРУИ БАРҚ
Беш аз 500 корманди Бонки миллии Тоҷикистон дар барномаҳои таълимии JVI такмили дониш намудаанд
Дастаи ҷудои Тоҷикистон дар Чемпионати ҷаҳон байни ҷавонон дар Португалия иштирок менамояд
Дар деҳаи Кули Ҷамоати деҳоти Аскалони ноҳияи Рашт бинои нави таълимӣ барои 300 хонанда ба истифода дода шуд
ҶОМИ ТОҶИКИСТОН– 2023. «Истиқлол» бар дастаи футболи «Регар-ТадАЗ»-и шаҳри Турсунзода ғолиб омад
Дар Душанбе ҷаласаи Шурои ҳамоҳангсозии Стратегияи миллии фарогирии молиявии Тоҷикистон доир шуд
