Вазири рушди иқтисод ва савдои Тоҷикистон дар ҷаласаи 99-уми Шурои иқтисодии ИДМ иштирок намуд
ДУШАНБЕ, 22.09.2023. /АМИТ «Ховар»/. Имрӯз ҷаласаи 99-уми Шурои иқтисодии Иттиҳоди Давлатҳои Мустақил дар шакли видеоконфронс баргузор гардид, ки дар он Вазири рушди иқтисод ва савдои Ҷумҳурии Тоҷикистон Завқӣ Завқизода иштирок намуд. Дар ин хусус ба АМИТ «Ховар» дар Вазорати рушди иқтисод ва савдои ҷумҳурӣ хабар доданд.
Дар доираи ҷаласа масъалаҳои ҳамкорӣ дар самтҳои тиҷоратию иқтисодӣ, тандурустӣ, саноат, кишоварзӣ, молия, геология, амнияти иттилоотӣ ва инноватсия баррасӣ гардиданд.
Дар оғоз роҳбарони ҳайатҳо оид ба масъалаҳои мубрами ҳамкории иқтисодӣ табодули афкор намуданд.
Бояд гуфт, ки Ҷумҳурии Тоҷикистон ба густариши ҳамкории тиҷоратию иқтисодӣ бо давлатҳои аъзои Иттиҳоди Давлатҳои Мустақил аҳамияти муҳим медиҳад.
Дар робита ба ин дар айни замон зиёда аз 51,3 фоизи гардиши савдои хориҷии Тоҷикистон ба давлатҳои иштирокчии Иттиҳоди Давлатҳои Мустақил рост меояд.
Дар ҷараёни ҷаласа лоиҳаҳои дар бораи фаъолияти мақомоти соҳавии Иттиҳоди Давлатҳои Мустақил дар соҳаи иқтисодиёт барои солҳои 2018-2023, Нақшаи чорабиниҳо оид ба татбиқи Стратегияи «Саломатии аҳолии давлатҳои иштирокчии Иттиҳоди Давлатҳои Мустақил» барои солҳои 2024-2025, Дар бораи фаъолияти Шурои байниҳукуматӣ оид ба ҳамкорӣ дар соҳаи байторӣ барои солҳои 2019-2022, Маҷмуи тадбирҳои оид ба татбиқи Созишномаи ҳамкорӣ бо давлатҳои иштирокдори Иттиҳоди Давлатҳои Мустақил дар соҳаи саноати кӯҳӣ ва металлургӣ аз 28 октябри соли 2016, Дар бораи фаъолияти Шурои байнидавлатии ҳамкорӣ дар соҳаҳои илмию техникӣ ва инноватсионӣ барои солҳои 2018-2022 ва ғайра баррасӣ шуданд.
Дар анҷом аъзои Шурои иқтисодии Иттиҳоди Давлатҳои Мустақил вобаста ба масъалаҳои рӯзномаи ҷаласа қарорҳои дахлдор қабул намуданд.
АКС: Вазорати рушди иқтисод ва савдои Ҷумҳурии Тоҷикистон
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
