7 донишҷӯи Донишгоҳи техникии Тоҷикистон ғолиби Озмуни ҷумҳуриявии «Илм-фурӯғи маърифат» шуданд
ДУШАНБЕ 30.10.2023 /АМИТ «Ховар»/. 7 донишҷӯи Донишгоҳи техникии Тоҷикистон ба номи академик Муҳаммад Осимӣ дар даври ҷумҳуриявии Озмуни «Илм-фурӯғи маърифат» ғолиби озмун гардиданд, хабар медиҳад АМИТ «Ховар».
Донишҷӯён аз рӯи номинатсияҳои математика (арифметика, алгебра, геометрия), физика ва астрономия, технологияҳои иттилоотӣ ва ихтироъкорӣ ва навоварӣ иштирок намуда, як нафар соҳиби ҷои 1, се нафар соҳиби ҷои 2 ва се нафари дигар соҳиби ҷои 3 гардиданд.
Ба ғолиби ҷойи якум 35 ҳазор сомонӣ, ҷойи дуюм 25 ҳазор сомонӣ ва ҷойи сеюм 15 ҳазор сомонӣ тақдим шуд.
Дар Донишгоҳи техникии Тоҷикистон, ки яке аз донишгоҳҳои базавӣ ба ҳисоб меравад, дар самти омодасозии донишҷӯён корҳои назаррас ба анҷом расонида шуданд. Натиҷаи ҳамин омодагиҳо буд, ки дастаи Донишгоҳи техникии Тоҷикистон дар даври ҷумҳуриявии озмун ғолиб шуд.
Ёдовар мешавем, ки маросими тантанавии ҷоизасупории Озмуни ҷумҳуриявии «Илм-фурӯғи маърифат» 28 октябр дар Театри давлатии академии опера ва балети ба номи Садриддин Айнӣ баргузор шуд.
АКС: Донишгоҳи техникии Тоҷикистон ба номи академик М.С. Осимӣ
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
