Ҷамъияти дорои масъулияти маҳдуди «Суғдтекстайлз» дубора фаъол мегардад

Октябрь 28, 2023 13:01

ДУШАНБЕ, 28.10.2023 /АМИТ «Ховар»/. Дар вилояти Суғд масъалаи бакорандозии ҶДММ «Суғдтекстайлз»​ (собиқ корхонаи​ «Кобул-Тоҷик-Текстайлз») ва муосиркунонии он мавриди баррасии Раиси вилояти Суғд Раҷаббой Аҳмадзода ва намояндаи ширкати холдингии «Исмоили Сомонӣ» Ҳошимян Гаги қарор гирифт.​  Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.

Тавре таъкид шуд, корхона бо мақсади таъмини иҷрои дастуру супоришҳои​ Президенти Ҷумҳурии Тоҷикистон муҳтарам Эмомалӣ Раҳмон, ки дар Паём ба Маҷлиси Олии  мамлакат баён гардид, фаъол гардонда шуда, иқтидори истеҳсолӣ, истифода ва ҳаҷми истеҳсоли маҳсулоти саноатӣ зиёд мегардад.​

Дубора фаъол намудани корхонаи азими саноатӣ, ки дар доираи нақшаи чорабиниҳои марбут ба саноатикунонии босуръати мамлакат ва ба истиқболи 35-солагии Истиқлолияти давлатии Ҷумҳурии Тоҷикистон​ амалӣ мешавад, имкон медиҳад, ки ҳазорҳо нафар​ бо ҷойи кор таъмин гарданд ва ба даст овардани музди меҳнат​ ба баланд шудани некӯаҳволии шаҳрвандон мусоидат менамояд.

Дар назар аст, ки дар корхона таҷҳизоту технологияи олмонӣ васлу насб шуда, коргоҳҳои ресандагиву бофандагӣ, дӯзандагӣ, рангу бори матоъ таъсис дода шаванд ва 3500 нафар соҳиби ҷойи кор гарданд. Бо ин роҳ дар нақша аст, ки коркарди пурраи пахта то маҳсулоти ниҳоӣ амалӣ гардад.​

Ҳамзамон сармоягузорон иқдом намудаанд, ки​ корхонаи истеҳсоли равған дар шаҳри Конибодомро низ ба талаботи рӯз мувофиқ намуда, бо воридсозии таҷҳизоти муосири олмонӣ онро низ замонавӣ созанд.​

Раиси вилоят аз иқдоми  созандаи соҳибкорону сармоягузорон изҳори қаноатмандӣ намуда, фаъолсозии иқтидорҳои бозистодаро муфид ва саривақтӣ арзёбӣ намуд.

Гуфта шуд, ки бо амалисозии чунин тарҳҳо метавон ба натиҷаҳои назаррас соҳиб гардид.

АКС: Хадамоти матбуоти Раиси вилояти Суғд

Октябрь 28, 2023 13:01

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст