Дар Донишгоҳи байналмилалии забонҳои хориҷии Тоҷикистон Гӯшаи Корея ифтитоҳ ёфт
ДУШАНБЕ, 23.10.2023 /АМИТ «Ховар»/. 21 октябр дар Донишгоҳи байналмилалии забонҳои хориҷии Тоҷикистон ба номи Сотим Улуғзода дар заминаи шуъбаи забони кореягии факултети забонҳои Осиё дар се синфхонаи мутобиқ ба замони муосир гӯшаи Корея мавриди истифода қарор дода шуд. Дар ин хусус АМИТ «Ховар» бо истинод ба маркази матбуоти ин донишгоҳ хабар медиҳад.
Ректори донишгоҳ иброз дошт, ки маҳз натиҷаи сиёсати дурандешона ва некбинонаи роҳбарияти олии ҳар ду давлат буд, ки мардумони ду мамлакат якдигарро ба ҳайси дӯсти боэътимод ва шарики нек дарёфта, дар тамоми соҳаҳои ҳаётан муҳим, хосса соҳаи илму маориф муносибатҳои мутақобилан судмандро амалӣ намуда, дар роҳи ноил гаштан ба ҳадафҳои дар назди худ гузошта қадамҳои устувор мегузоранд.
Тазаккур дода шуд, ки бо назардошти афзудани шумораи хоҳишмандони риштаи забони кореягӣ раёсати Донишгоҳи байналмилалии забонҳои хориҷии Тоҷикистон дар соли таҳсили 2023-2024 ихтисоси забони кореягӣ- омӯзгорро дар зинаи бакалавриат ва ихтисоси забони кореягӣ — тарҷумониро дар зинаи магистратура ташкил намуд.
Сафири Ҷумҳурии Корея дар Ҷумҳурии Тоҷикистон аз пазироии самимонаи тоҷикона изҳори хушнудӣ намуда, гуфт, ки саҳми раёсат ва омӯзгорони шуъбаи забони куриёии Донишгоҳ дар омода намудани мутахассисони забондон ва боз ҳам мустаҳкам намудани робитаҳои гуногунҷабҳаи ду миллати ба ҳам дӯст бузург аст.
Дар идома чун рамзи дӯстӣ маҳфили фарҳангии сурурбахши тоҷиконаву кореягӣ пешниҳоди ҳозирин гардид.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
Дар Душанбе Озмуни ҷумҳуриявии «Барномасози ҷавон» баргузор шуд
