Дар Донишгоҳи давлатии омӯзгории Тоҷикистон Рӯзи забони давлатиро ҷашн гирифтанд

Октябрь 3, 2023 16:40

ДУШАНБЕ, 03.10.2023 /АМИТ «Ховар»/. Ба ифтихори Рӯзи забони давлатии Ҷумҳурии Тоҷикистон имрӯз дар Донишгоҳи давлатии омӯзгории Тоҷикистон ба номи Садриддин Айнӣ ҳамоиши тантанавӣ доир гардид, ки дар он ҳайати профессорону омӯзгорон, олимони забоншинос ва донишҷӯён иштирок намуданд. Дар ин хусус ба АМИТ «Ховар» дар ин донишгоҳ хабар доданд.

Ректори донишгоҳ Аҳлиддин Ибодуллозода таъкид намуд, ки ҳифзи забони миллӣ, арҷгузорӣ ба он яке аз  самтҳои муҳимтарини сиёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмон мебошад. Дар ҳамаи паёмҳои Президенти Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ҳифзу тозагии забони миллӣ таъкид мегардад.

«Президенти Тоҷикистон забони миллиро хишти нахустини пойдевори кохи миллат шуморида, ҳамагонро ба рушд додани он даъват менамоянд. Сиёсати Пешвои миллат дар соҳаи забони миллӣ сиёсати дурбинона ва созанда аст, сиёсате аст, ки бар асоси рушди ин рукни муқаддас дар ҷомеа, ҳифзи он аз зуҳуроти бегона,  таҳкими сулҳу ваҳдат, ободонии ҷумҳурӣ, тарғиби дастовардҳои истиқлол, эҳёи суннатҳои фаромӯшшуда ва дар зеҳни ҷаҳониён ба вуҷуд овардани имиҷи нави Тоҷикистони соҳибистиқлол ба роҳ монда  шудааст. Аз ин рӯ, ҳамаи мо ҷиҳати ҳамовозӣ, тарғибу ташвиқи  чунин сиёсат пайваста ҷаҳд меварзем ва  барои амалӣ гаштани дастуру супоришҳои Пешвои миллат муҳтарам Эмомалӣ Раҳмон ғайратмандона азму талош менамоем»,-афзуд ректори донишгоҳ.

Профессори кафедраи забони тоҷикӣ Саидмуроди Хоҷазод иброз дошт, ки  «забон рукни муҳимтарини бақои миллат, пойдевори устувори давлати миллӣ ва муҳимтар аз ин, воситаи муоширати ҷамъият  ва  василаи мубодилаи фикрии одамон мебошад, аз ин рӯ, дар замони истиқлол Ҳукумати Ҷумҳурии Тоҷикистон барои рушд, тозагӣ, омӯзиш ва густариши он дар тамоми соҳаҳои ҳаёт пайваста ҷаҳд меварзад.

Қабули Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» барои тарвиҷи забони тоҷикӣ роҳи васеъ кушод, бар мабнои ин қонун забони тоҷикӣ ба сифати забони давлатӣ дар тамоми муассисаҳои олии таълимии  ҷумҳурӣ  тадрис мегардад ва омӯзиши он дар факултаҳои ғайрифилологӣ низ ба роҳ монда шудааст». Мавсуф оид ба «Нақши забони миллӣ дар ташаккули худшиносии ҷавонон ва донишҷӯён» фикрҳои тоза пешниҳод намуд.

Дар ҳамоиш доир ба «Роҳҳои ҳифзи забони миллӣ аз хатарҳои ҷаҳонишавӣ», «Нақши Президент дар рушди забони тоҷикӣ дар замони истиқлол» ва «Нақши забони миллӣ дар рушди худшиносии миллӣ ва иртиботи байнифарҳангӣ» ва «Забони тоҷикӣ-забони илм» аз ҷониби омӯзгорони донишгоҳ маърузаҳо хонда шуданд.

Қироати шеърҳо дар васфи забон, Ватан ва Тоҷикистон аз ҷониби гурӯҳи донишҷӯён ба ҳамоиш шаҳомати тоза зам намуд.

АКС: Донишгоҳи давлатии омӯзгории Тоҷикистон ба номи Садриддин Айнӣ

Октябрь 3, 2023 16:40

Хабарҳои дигари ин бахш

Дар Тоҷикистон то соли 2027 фарогирии кӯдакон ба таҳсили томактабӣ ба 33 фоиз расонида мешавад
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид