Дар Душанбе масъалаи ҳамкории илмию пажуҳишии марказҳои зеҳнии Тоҷикистон ва Қазоқистон баррасӣ шуд
ДУШАНБЕ, 19.10.2023 /АМИТ «Ховар»/. 18 октябр вохӯрии Директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода бо Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Валихан Туреханов ва муовини директори Институти тадқиқоти стратегии назди Президенти Ҷумҳурии Қазоқистон Нурлан Сакуов баргузор гардида, масъалаҳои ҳамкории илмию пажуҳишии марказҳои зеҳнии ҳарду давлат мавриди баррасӣ ва арзёбӣ қарор гирифтанд. Дар ин хусус ба АМИТ «Ховар» дар Маркази тадқиқоти стратегӣ хабар доданд.
Иброз гардид, ки дар минтақаи Осиёи Марказӣ Ҷумҳурии Тоҷикистон ва Ҷумҳурии Қазоқистон таҳти роҳбарии Сарварони сиёсии худ дар ҳама бахшҳо намунаи беҳтарини ҳамкориро амалӣ намудаанд. Барои рушди бештар дар баробари дигар мақомоту идораҳо ва татбиқи ҳадафҳои муштарак марказҳои таҳлилии моро зарур аст, ки ҳамкории васеи илмӣ-таҳлилӣ ва машваратиро тақвият бахшанд.
Дар мулоқот ба ҳамтои қазоқистонӣ оид ба самтҳои фаъолияти илмӣ-таҳлилии Маркази тадқиқоти стратегии Тоҷикистон маълумоти муфассал ироа гардид. Аз ҷумла, иброз шуд, ки Марказ барои ҳамкории минбаъда ва баргузории пажуҳишҳои муштарак бо Институти тадқиқоти стратегии назди Президенти Ҷумҳурии Қазоқистон ҳамеша омода мебошад.
Изҳори боварӣ шуд, ки робитаҳои сиёсиву иқтисодӣ, иҷтимоию фарҳангӣ, илмиву адабии Тоҷикистон ва Қазоқистон минбаъд низ густариш ва равнақ меёбанд.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Оид ба нақши муассисаҳои илмӣ ва олии таълимӣ дар фаъолияти ҳуқуқэҷодкунӣ конференсияи байналмилалӣ доир шуд
Дар ноҳияи Мастчоҳ гурӯҳи ҷавонони синни даъватӣ даври омӯзишии ронандагиро хатм намуданд
Дар Тоҷикистон баландшавии ҳолати ифлосшавии ҳавои атмосферӣ дар назар аст
«ҲУНАРМАНДИ СОЛ-2025». Дар Душанбе озмуни ҷумҳуриявӣ ҷамъбаст гардид
Дар Душанбе беш аз 40 далели аз меъёри муқарраргардида гарон ба фурӯш гузоштани маҳсулоти гӯштӣ ошкор карда шуд
Ҳамкории Тоҷикистон бо Финляндия дар самти таҳкими ниҳоди миллии ҳифзи ҳуқуқи инсон тақвият меёбад
«Барномаи давлатии рушди соҳаи тандурустӣ ва ҳифзи иҷтимоии аҳолии вилояти Хатлон барои солҳои 2021-2025» баррасӣ гардид
Муколамаи навбатии занони Осиёи Марказӣ дар Узбекистон баргузор мегардад
Дар Душанбе таҳти унвони «Занон, сулҳ ва амният» форум баргузор шуд
МУКОЛАМАИ ЗАНОНИ ОСИЁИ МАРКАЗӢ. Дар доираи он таҳти унвони «Занон, сулҳ ва амният» форум баргузор мегардад
ПАРЧАМ ВА ПАРЧАМДОРӢ ДАР ТАЪРИХИ ДАВЛАТДОРИИ ТОҶИКОН. Дар Академияи миллии илмҳои Тоҷикистон конференсия доир шуд
ЭҲТИРОМ БА ПАРЧАМ- ЭҲТИРОМ БА ТАЪРИХИ МИЛЛАТ. Дар Агентии ҳифзи мероси таърихию фарҳангӣ ҷамъомад доир шуд
