Дар Душанбе масъалаи дастрасии аққалиятҳои миллӣ ба таҳсил дар Тоҷикистон баррасӣ шуд

ДУШАНБЕ, 18.10.2023. /АМИТ «Ховар»/. Дар Вазорати маориф ва илми Ҷумҳурии Тоҷикистон  бо Гузоришгари Созмони Милали Муттаҳид оид ба аққалиятҳои миллӣ Фернанд де Ваден вохӯрӣ доир гардид. Дар ин хусус ба АМИТ «Ховар» дар маркази матбуоти Вазорати маориф ва илми мамлакат  хабар доданд.

Дар мулоқот гуфта шуд, ки  Созмони Милали Муттаҳид ва ниҳодҳои он шарикони муҳими Вазорати маориф ва илми Ҷумҳурии Тоҷикистон ба ҳисоб рафта, дар самти ислоҳоти соҳаи маориф ва илм саҳмгузор мебошанд.

Фернанд де Ваден изҳор дошт, ки вохӯрии имрӯза дар равнақи ҳамкории  минбаъда таккони ҷиддӣ хоҳад бахшид.

Дар вохӯрӣ масъалаи дастрасии аққалиятҳои миллӣ ба таҳсил дар Тоҷикистон, ҳамкории дуҷониба ва рушди минбаъдаи  он  мавриди баррасӣ қарор гирифт.

АКС: Маркази матбуоти Вазорати маориф ва илми Ҷумҳурии Тоҷикистон