Дар факултети тиббии Донишгоҳи миллии Тоҷикистон таъсиси гурӯҳи академии таҳсил бо забони англисӣ ва ташкили Шурои диссертатсионӣ дар назар аст
ДУШАНБЕ, 12.10.2023. /АМИТ «Ховар»/. Дар факултети тиббии Донишгоҳи миллии Тоҷикистон таъсиси гурӯҳи академии таҳсил бо забони англисӣ ва ташкили Шурои диссертатсионӣ ба нақша гирифта шудааст. Ин тасмим зимни вохӯрии ректори Донишгоҳи миллӣ, профессор Қобилҷон Хушвахтзода бо ҳайати устодони факултети тиббии донишгоҳ баён шуд. Дар ин хусус ба АМИТ «Ховар» дар донишгоҳи мазкур хабар доданд.
Гуфта шуд, ки таваҷҷуҳи ҷомеа ба соҳаи тиб зиёд аст. Таҳлили солҳои охир нишон медиҳад, ки ҷавонон ба интихоби омӯзиш дар соҳаи тиб завқи бештар доранд. Факултети тиббии Донишгоҳи миллӣ аз ҷумлаи макони омода намудани чунин мутахассисон мебошад. Ҳайати устодони факултет бояд ҳамеша талош намоянд, ки беҳтарин усули таълим ва корбариро ба роҳ монда, ихтисосҳои нав ва ҷавобгӯ ба меъёрҳои сатҳи байналмилалӣ ташкил намоянд ва ҷомеаро бо мутахассисони соҳибкасби тиб таъмин созанд.
Зимнан таъкид шуд, ки имрӯз таваҷҷуҳ ба соҳаи тиб ҳам дар сатҳи дохилӣ ва ҳам дар сатҳи хориҷӣ бештар гаштааст. Садорати факултетро зарур аст, ки ташкили даврҳои такмили ихтисосро дар сатҳи байналмилалӣ ба роҳ монад. Ҳамзамон мутахассисони мухталифи соҳаи тибро аз марказҳои бузурги тиббӣ-байналмилалӣ даъват намуда, семинару ҳамоишҳои илмӣ-назариявӣ ташкил шавад. Ин гуна тадбирҳо ҷиҳати мустаҳкам намудани дониши устодону кормандон ва таҷрибаи онҳо муфид мебошад.
Ректори донишгоҳ дар баробари баррасии масъалаҳои гуфташуда инчунин роҷеъ ба таҷдиди назар намудани барномаҳои таълимӣ, ташкили ихтисосҳои нав, таъсиси Шурои диссертатсионӣ, ташкили гурӯҳи академии таҳсил бо забони англисӣ, назорати корҳои илмии муҳаққиқони ҷавон ва сари вақт ҳимоя намудани онҳо, дарёфти грантҳо, ташкили конференсияҳои сатҳи байналмилалӣ, назорати ҷиддии таҷрибаомӯзон, раванди ҳуҷҷатгузорӣ дар сатҳи кафедраҳо ва ғайра изҳори нигаронӣ намуда, ба садорат ва коллективи факултет дар самти ҳарчӣ зудтар бартараф намудани нуқсонҳо дастуру супоришҳои қатъӣ дод.
АКС: Донишгоҳи миллии Тоҷикистон
Маорифчиёни ноҳияи Шоҳмансур Ҷашни байналмилалии Наврӯзро дар сатҳи баланд таҷлил намуданд
МАСЛИҲАТ БА ДОВТАЛАБ. Ҳангоми интихоби касб довталаб бояд бештар дониш ва истеъдодашро ба назар гирад
Бахшида ба 1050-солагии Робиаи Балхӣ дар Донишгоҳи давлатии Кӯлоб конференсияи илмӣ-назариявӣ доир гардид
Барои пурсамар гузаронидани давраи таътил ба хонандагон мутолиаи кадом китобҳо тавсия дода мешавад?
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
