Дар Хадамоти иҷрои Тоҷикистон барномаи электронии низоми истеҳсолоти иҷро муаррифӣ гардид
ДУШАНБЕ, 23.10.2023 /АМИТ «Ховар»/. Дар Хадамоти иҷрои назди Ҳукумати Ҷумҳурии Тоҷикистон муаррифии барномаи электронии низоми истеҳсолоти иҷро баргузор гардид, хабар доданд ба АМИТ «Ховар» дар Хадамоти иҷро.
Дар ҳамоиш кормандони Хадамоти иҷро, роҳбарият ва кормандони барномаи «Мусоидат ба волоияти қонун дар мамлакатҳои Осиёи Марказӣ»-и ҷамъияти ҳамкории байналмилалии Олмон (GIZ) иштирок намуданд.
Сардори Хадамоти иҷрои назди Ҳукумати Ҷумҳурии Тоҷикистон Барно Саидвализода иброз дошт, ки «истифода ва ҷорӣ намудани низоми электронӣ дар фаъолияти Хадамоти иҷро аз манфиат холӣ набуда, ба иҷрои саривақтӣ ва босифати санадҳои судӣ, санадҳои мақомоти давлатӣ, шахсони мансабдор, баланд бардоштани дараҷаи шаффофияти ошкорбаёнии иттилоот дар барои фаъолияти мақомоти давлатӣ, баланд бардоштани сифати ҷараёнҳои маъмурию идоракунӣ, таъмини фаврият, назорати натиҷаи фаъолият ва таъмини сатҳи тақозошавандаи амнияти иттилоотии ҳукумати электронӣ мусоидат менамояд. Ҷиҳати амалӣ намудани тадбирҳои ҳукумати электронӣ бо дастгирии барномаи «Мусоидат ба волоияти қонун дар мамлакатҳои Осиёи Марказӣ»-и Ҷамъияти ҳамкории байналмилалии Олмон (GIZ) барномаи электронии низоми истеҳсолоти иҷро омода гардид.
«Дар сохтори Хадамоти иҷро шуъбаи пешбурди феҳристи қарздорон ва махзани электронӣ фаъолият менамояд, ки бо мақсади ба низом даровардани қарздорӣ ва пешгирӣ аз оқибатҳои номатлуби он ташкил шудааст. Дар айни замон ба ин феҳрист 7 303 нафар шахсони воқеӣ ва 234 шахсони ҳуқуқӣ ворид шудаанд.
Хадамот бо мақсади рушди ҳамкории байналмилалӣ бо намояндагони Бюрои иҷрои маҷбурии Узбекистон, Вазорати адлияи Беларус, Хадамоти иҷрои маҷбурии Арманистон ва барномаи «Мусоидат ба волоияти Қонун дар мамлакатҳои Осиёи Марказӣ»-и Ҷамъияти ҳамкории байналмилалии Олмон (GIZ) баҳри омӯзиши таҷрибаи пешқадами давлатҳои дигар ҳамкориро тибқи ёддоштҳои тафоҳуми ба имзорасида идома медиҳад»,- афзуд Барно Саидвализода.
Роҳбари барномаи «Мусоидат ба волоияти қонун дар мамлакатҳои Осиёи Марказӣ»-и Ҷамъияти ҳамкории байналмилалии Олмон (GIZ) Александр Тэннасэ низ оид ба густариши ҳамкории дуҷониба ибрози андеша намуда, умед бар он намуд, ки барномаи электронии низоми истеҳсолоти иҷро барои дуруст ба роҳ мондани фаъолияти минбаъдаи Хадамоти иҷро ва амалӣ намудани ҳадафҳои Ҷумҳурии Тоҷикистон ҷиҳати вусъат додани ҳукумати электронӣ мусоидат менамояд.
Зимни ҳамоиш тартиби истифодаи барномаи электронӣ ба ҳозирин намоиш дода шуда, аз тарафи барномасозон иброз гардид, ки ҳоло он пилотӣ буда, чор ноҳияи шаҳри Душанберо дар бар мегирад ва давоми шаш моҳи минбаъда барнома такмил дода мешавад.
АКС: Хадамоти иҷрои назди Ҳукумати Ҷумҳурии Тоҷикистон
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
Ба муносибати Рӯзи байналмилалии ҳифзи ҳуқуқи кӯдак дар боғи «Курӯши Кабир» чорабинии тантанавӣ баргузор шуд
Рӯзи байналмилалии ҳифзи кӯдакон аҳамияти кӯдаконро дар ҳаёт ва ҷомеаи мо ҳамчун узви муҳими ҷомеа таъкид менамояд
