Дар Марокаш тавсеаи ҳамкории бонкҳои миллии Тоҷикистон ва Швейтсария баррасӣ шуд
ДУШАНБЕ, 16.10.2023 /АМИТ «Ховар»/. Тибқи нақша дар соли 2024 мутахассисони Бонки миллии Швейтсария ба Тоҷикистон ташриф оварда, барои кормандони Бонки миллии Тоҷикистон машғулияти омӯзишӣ мегузаронанд. Масъалаи мазкур дар мулоқоти раисони бонкҳои миллии Тоҷикистон ва Швейтсария Ҳоким Холиқзода ва Томас Йордан дар Марокаш дар ҳошияи ҷаласаҳои солонаи Хазинаи байналмилалии асъор ва Гурӯҳи Бонки ҷаҳонӣ баррасӣ гардид.
АМИТ «Ховар» бо истинод ба Бонки миллии Тоҷикистон иттилоъ медиҳад, ки мусоҳибон имконияти идомаи ҳамкориро дар самти баланд бардоштани иқтидори кормандони Бонки миллӣ дар бахшҳои идоракунии хавфҳои амалиётӣ ва ҳисобдорӣ, ташкили сафари мутахассисони Бонки миллии Швейтсария ба Душанбе дар соли 2024 барои гузаронидани чорабиниҳои омӯзишӣ ва машваратҳо баррасӣ намуданд. Ҳамзамон таъкид шуд, ки ҳамкории ду давлат дар соҳаҳои гуногуни иқтисод беш аз пеш густариш меёбад.
Раиси Бонки миллии Швейтсария Томас Йордан барои боз ҳам тавсеа додани ҳамкорӣ дар самти таҳкими низоми бонкии Тоҷикистон омодагии худро иброз намуд.
АКС: Бонки миллии Тоҷикистон
Вазири молияи Тоҷикистон бо роҳбарияти ширкати байналмилалии машваратии Alvarez & Marsal мулоқот намуд
Дар Душанбе вобаста ба содагардонии расмиёти савдо ҷаласа баргузор шуд
Имконоти низоми молиявии Тоҷикистон дар конфронси 23-юми солонаи Шурои шариатии AAOIFI муаррифӣ гардид
Дар Вашингтон ҷалби маблағгузорӣ ва татбиқи созишномаҳои молиявӣ барои идомаи сохтмони НБО «Роғун» баррасӣ шуд
Дар Душанбе ҷаласаи 13-уми Шурои нозирони минтақаҳои озоди иқтисодӣ баргузор гардид
Масъалаи густариши ҳамкорӣ дар самти маблағгузории бахши маориф дар Вашингтон баррасӣ гардид
Тоҷикистон ва Арманистон хостори тақвияти ҳамкории иқтисодӣ мебошанд
Дар Тоҷикистон 330 истгоҳи базавӣ насб карда шуд
ҚУРБИ АСЪОР: дар Тоҷикистон 1 доллари ИМА аз 10.6842 то 10.7000 сомонӣ муқаррар шудааст
Ширкати «IRS» 38 пулро навсозӣ намуд
Дар шаҳри Панҷакент ҷаласаи 7-уми Шурои ҳавзавии дарёи Зарафшон баргузор гардид
Вазорати нақлиёт дар ноҳияҳои Рӯдакию Восеъ ду ва дар Бадахшон сохтмони якчанд кӯпрукро ба нақша гирифтааст
