Дар Мастчоҳ қариб 12 ҳазор тонна пахта ҷамъоварӣ шудааст, ки 43 фоизи нақшаро ташкил медиҳад
ДУШАНБЕ, 21.10.2023 /АМИТ «Ховар»/. Дар пахтазори хоҷагиҳои деҳқонии ноҳияи Мастчоҳ ҷамъоварии «тиллои сафед» вусъати тоза мегирад. То 20 октябр 11 ҳазору 800 тонна пахта ҷамъоварӣ шудааст, ки 43 фоизи нақшаи дурнаморо ташкил медиҳад.
Тавре АМИТ «Ховар» бо истинод ба дафтари матбуоти Раиси ноҳияи Мастчоҳ хабар медиҳад, деҳқонону саҳмдорон ва ёрдамчиён аз рӯзҳои офтобӣ пурсамар истифода намуда, дар як рӯз аз 450 то 500 тонна пахта меғундоранд.
Рӯзҳои охир дар саҳроҳои ноҳия ҳамарӯза зиёда аз 8 ҳазор нафар барои ҷамъоварии ҳосили пахта ба кумаки марди деҳқон мебароянд.
Ҳамзамон дар асоси дастури Раиси ноҳияи Мастчоҳ, ки 18 октябр дар ситоди навбатии «Ҳосил-2023» ба роҳбарони ташкилоту муассиса ва раисони ҷамоатҳои шаҳраку деҳоти ноҳия дода шуд, тадбирҳои зарурӣ ҷиҳати сари вақт ва беталаф ғундоштани ҳосил андешида мешаванд. Тибқи он, дар ҳамаи ҷамоатҳои шаҳраку деҳоти ноҳия барои вусъат додани ҷамъоварии пахта қувваҳои кории иловагӣ аз ҳисоби саҳмдорон ва хоҷагиҳо ҷалб мегарданд. Ба ҳар кило пахтаи чида 1 сомонӣ пардохт мешавад.
Тибқи иттилои масъулини Раёсати кишоварзии ноҳияи Мастчоҳ, соли равон дар ноҳия дар 11 ҳазору 456 гектар пунбадона кишт шудааст. Заркорон азм доранд, ки ба хирман беш аз 28 ҳазор тонна «тиллои сафед» бирезанд.
АКС: Дафтари матбуоти Раиси ноҳияи Мастчоҳ
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
Намоишгоҳи «Ихтироъкорон ва навоварони соҳаи нақлиёт» баргузор шуд
Бадахшон минтақаи дорои имконияти бузурги энергияи офтобӣ аст
Устувории иқтисоди миллӣ дар заминаи сиёсати пулию қарзӣ ва Паёми Президенти Тоҷикистон ба Маҷлиси Олӣ. Андешаҳо дар ин маврид
ЭНЕРГИЯИ «САБЗ». Дар Тоҷикистон иқтидори энергияи бодӣ 1 926,35 МВт-ро ташкил медиҳад
