Дар ноҳияи Шаҳринав бинои Литсей барои хонандагони болаёқат ба истифода дода шуд
ДУШАНБЕ, 07.10.2023 /АМИТ «Ховар»/. Дар ноҳияи Шаҳринав бинои наву хуштарҳ ва замонавии Муассисаи давлатии таълимии «Литсей барои хонандагони болаёқат» мавриди истифода қарор дода шуд. Дар ин хусус АМИТ «Ховар» бо истинод ба Мақомоти иҷроияи ноҳияи Шаҳринав хабар медиҳад.
Литсей барои хонандагони болаёқат барои 620 хонанда бунёд гардида, аз 28 синфхона ва 6 кабинети фаннӣ, аз ҷумла кабинети фанни химия, биология, физика, технологияи иттилоотӣ, технологияи касбу ҳунар, толори варзишӣ, толори фарҳангӣ, майдончаи варзишӣ ва ошхона барои 120 нафар дар як баст иборат мебошад. Дар муассиса машғулият бо забони тоҷикӣ ва русӣ гузаронида мешавад.
Тавре таъкид карда шуд, сохта ба истифода додани чунин бинои хуштарҳу замонавӣ барои таълиму тарбияи насли наврас бо дастгирии шарикони рушд мояи хушнудӣ ва фараҳмандии сокинони сарбаланди ноҳия гардид ва миннатдориву эҳтироми самимонаи мардуми ноҳия ба Президенти Ҷумҳурии Тоҷикистон муҳтарам Эмомалӣ Раҳмон баён карда шуд.
Инчунин изҳори миннатдорӣ ба сарпарасти лоиҳа- Фонди Саудии Рушд барои ҳамкории самарабахши дуҷониба дар бунёд ва ба истифода додани чунин муассисаи замонавӣ бо тамоми шароиту имконияти муосири таълимӣ изҳор гардида, дар оянда идомаи ҳамкории дуҷонибаи Тоҷикистон ва Арабистони Саудӣ дар ин ҷода самарабахшу манфиатбор арзёбӣ шуд.
Ҳоло дар муассиса 43 омӯзгори дорои маълумоти олӣ ба 606 хонанда таълиму тарбия медиҳанд.
АКС: Мақомоти иҷроияи ноҳияи Шаҳринав
Қабули Қонуни Ҷумҳурии Тоҷикистон «Дар бораи мақоми омӯзгор» рамзи эҳтиром ба заҳмати омӯзгор аст
Дар Донишгоҳи давлатии Кӯлоб бахшида ба Паёми Президенти Тоҷикистон ба Маҷлиси Олӣ ҳамоиш баргузор шуд
ҚОНУН «ДАР БОРАИ МАҚОМИ ОМӮЗГОР». Қабули он далели таваҷҷуҳи рӯзафзуни Ҳукумати Тоҷикистон нисбат ба тарбиятгарони насли наврас аст
Дар Донишгоҳи байналмилалии сайёҳӣ ва соҳибкории Тоҷикистон олимпиадаи хонандагони синфҳои 11 оғоз гардид
ТАВАҶҶУҲИ ХОССА БА СОҲАИ МАОРИФ ДАР ПАЁМИ ПРЕЗИДЕНТИ ҶУМҲУРИИ ТОҶИКИСТОН. Андешаҳо дар мавриди самтҳои асосии ин соҳаи муҳим
Густариши ҳамкории илмии Донишгоҳи давлатии ҳуқуқ, бизнес ва сиёсати Тоҷикистон бо донишгоҳҳои Корея баррасӣ шуд
Байни Маркази ҷумҳуриявии дарёфт ва рушди истеъдодҳо ва ширкати академии «Bright»-и Шоҳигарии Камбоҷа Ёддошти тафоҳум имзо гардид
НИЗОМИ ДУВОЗДАҲСОЛАИ ТАЪЛИМ. Дар Тоҷикистон барои гузариш ба он омодагӣ мебинанд
Дастаи Тоҷикистон дар Олимпиадаи авруосиёӣ аз фанни технологияи иттилоотӣ соҳиби ҷойи сеюм гардид
Паёми Президенти Тоҷикистон ба Маҷлиси Олӣ кафили таъмини саодати халқ ва рушду пешрафти мамлакат аст
Дар Донишгоҳи давлатии ҳуқуқ, бизнес ва сиёсати Тоҷикистон нуктаҳои муҳими Паёми Президенти Тоҷикистонро ба Маҷлиси Олӣ мавриди иҷро қарор медиҳанд
Аз 1 сентябри соли 2026 маоши вазифавии кормандони муассисаҳои томактабӣ ва миёнаи умумӣ 25 фоиз зиёд мегардад
