Дар осоишгоҳи Авҷи ноҳияи Ишкошим боз ду ҳавзи оби шифобахш бунёд гардид

Октябрь 16, 2023 19:10

ХОРУҒ, 16.10.2023 /АМИТ «Ховар»/. Дар Осоишгоҳи Авҷи ноҳияи Ишкошим соли равон илова ба таъмиру навсозии ошхонаву хобгоҳҳо ҳамчунин барои табобатгирандагони ин муассиса  боз ду ҳавзи иловагӣ бунёд гардид, хабар медиҳад мухбири минтақавии АМИТ «Ховар» Файз Мирасан.

Роҳбари ин осоишгоҳ Қурбоналӣ Хоҷалиев  гуфт, ки «сол ба сол сафи мизоҷон аз ҳисоби сокинони ҷумҳурӣ ва берун аз он рӯ ба афзоиш ниҳодааст. Дар 8 моҳи соли равон беш аз панҷ ҳазор ниёзмандон аз оби шифобахши ин мавзеъ баҳра бурданд. Инфрасохтори шифохона чандин даҳсола пеш тарҳрезӣ шуда, ба талаботи замони муосир он қадар ҷавобгӯ нест. Афзоиши  шумораи зиёди ниёзмандон зарурати бунёди хобгоҳ ва ҳавзҳои иловагии дармониро ба вуҷуд овард. Мо ба мақомоти давлатӣ  як лоиҳа пешниҳод намудем ва Мақомоти иҷроияи ҳокимияти давлатии Вилояти Мухтори Кӯҳистони Бадахшон ин тарҳро ҷонибдорӣ намуд. Дар фурсати кӯтоҳ тавонистем онро амалӣ созем.  Ин ду ҳавз бо маблағи беш аз 500 ҳазор сомонӣ бунёд шудаанд.  Корҳои сохтмониро дар иншоот паймонкор Ҷамъияти дорои масъулияти маҳдуди «Вахон 2015» ба уҳда гирифта, бо суръат ва сифати хуб ба анҷом расонд».

Бояд гуфт, ки дар замони соҳибистиқлолии ҷумҳурӣ дар баробари дигар иншоот дар қаламрави ноҳияи Ишкошим ба таъмиру таҷдид ва бунёди биноҳои назди обҳои шифобахш таваҷҷуҳи хос зоҳир гардид. Дар муддати кӯтоҳ аксарияти шифохонаҳо симои худро комилан тағйир доданд.

Осоишгоҳи Авҷ дорои имконияти баланди ба табобат фаро гирифтани  беморон  буда,  оби шифобахши Авҷ барои бемориҳои чашм, миён ва гурдаву рӯда тавсия дода мешавад. Аз ин рӯ давоми соли равон беш аз 5 ҳазор нафар аз обҳои дармонбахши ин мавзеъ истифода намуданд.

Вилояти Мухтори Кӯҳистони Бадахшон  яке аз мавзеъҳои сайру саёҳатӣ буда, дар баробари маъруфтарин зиёратгоҳҳо ва маконҳои таърихӣ дорои чашмаҳои шифобахш низ мебошад, ки имрӯз мавриди таваҷҷуҳи сайёҳони дохиливу хориҷӣ қарор гирифтааст.  Ҳоло дар Бадахшон шумораи  чашмаҳои шифобахш  ба 71 адад расидааст, ки  аксарияти ин  онҳо дар  ноҳияи Ишкошим  ҷойгир шудаанд.

АКС: АМИТ «Ховар»

Октябрь 16, 2023 19:10

Хабарҳои дигари ин бахш

Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд