Дар Парки табиии таърихии «Сари Хосор» бахшида ба ҷашни табиат ҳамоиш доир шуд
ДУШАНБЕ, 02.10.2023 /АМИТ «Ховар»/. Бахшида ба 20-солагии таъсиси Парки табиии таърихии «Сари Хосор» дар Ҷамоати деҳоти «Сари Хосор»-и ноҳияи Балҷувон ҳамоиши ҷашни табиат баргузор гардид. Ба АМИТ «Ховар» дар Кумитаи ҳифзи муҳити зисти назди Ҳукумати ҷумҳурӣ иттилоъ доданд, ки иштирокдорони ҳамоиш нахуст дар намоишгоҳи кишоварзии ноҳияи Балҷувон бо дастовардҳои кишоварзони ноҳия шинос шуданд.
Дар ҳамоиши ҷашнӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода иброз дошт, ки дар солҳои Истиқлолияти давлатӣ дар партави сиёсати хирадмандона ва дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва Ҳукумати Ҷумҳурии Тоҷикистон рушди босуботи низоми ҳудудҳои табиии махсус муҳофизатшаванда таъмин гардида, соҳа ба дастоварду нишондиҳандаҳои назаррас ва бесобиқа ноил гардид. Парки табиии «Сари Хосор» соли 2003 бо қарори Ҳукумати Ҷумҳурии Тоҷикистон бо мақсади ҳифз ва нигоҳдории ҷангалҳои паҳнбарг ва мезофилии Тоҷикистони марказӣ, олами ҳайвоноти хоси минтақаи мазкур ва ҳамчунин рушди сайёҳии экологӣ ва илмию маърифатӣ таъсис дода шудааст.
Бояд тазаккур дод, ки дар рушд ва муҳофизати Парки табиӣ таърихии «Сари Хосор» мақомоти иҷроияи маҳал низ саҳми шоиста дорад. Масоҳати Парки табиии «Сари Хосор» 3805 гектарро ташкил дода, бинобар мавқеи ҷойгиршавӣ ва биоҷуғрофӣ Парки «Сари Хосор» дорои экосистемаи хос ва бойю гуногунранг мебошад. Парки табиии «Сари Хосор» дар минтақаи Осиёи Марказӣ беҳамто буда, бойигарии хоси онро ҷангалҳои кӯҳӣ, ки аз чормағззор ва якчанд намуд дарахтони мевадиҳандаи ёбоӣ ва дигар намуди олами наботот иборат мебошанд, ташкил медиҳанд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Душанбе бо ҳайати намояндагони Бонки Осиёии рушд масоили рушди инфрасохтори гумрукӣ баррасӣ шуд
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
