Дар Самарқанд масъалаи таҳкими ҳамкории Тоҷикистон бо давлатҳои аъзои Созмони ҷаҳонии сайёҳӣ баррасӣ шуд
ДУШАНБЕ, 18.10.2023 /АМИТ «Ховар»/. Дар доираи иҷлосияи 25-уми Маҷмаи умумии Созмони ҷаҳонии сайёҳии Созмони Милали Муттаҳид (UNWTO) дар шаҳри Самарқанд мулоқоти раиси Кумитаи рушди сайëҳии назди Ҳукумати Ҷумҳурии Тоҷикистон Камолиддин Муминзод бо Вазири мероси фарҳангӣ, гардишгарӣ ва саноеи дастии Ҷумҳурии Исломии Эрон Иззатуллоҳ Зарғомӣ доир гардид. Дар ин хусус АМИТ «Ховар» бо истинод ба Кумитаи рушди сайëҳии мамлакат хабар медиҳад.
Зимни мулоқот ҷонибҳо густариши ҳамкории судманд дар соҳаи сайёҳӣ, табодули таҷриба ва пайдо кардани роҳҳои нави муаррифии имкониятҳои сайëҳӣ ба ҷаҳонгардонро муҳим арзёбӣ намуданд.
Тарафҳо масъалаи соддагардонии низоми раводиди дуҷонибаро барои афзоиши шумораи гардишгарони ду давлати бо ҳам дўст — Тоҷикистону Эрон дар оянда судманд донистанд.
Иброз гардид, ки имрӯз сайёҳони хориҷӣ ба мавзеъҳои сайёҳию фароғатии Тоҷикистони офтобрўя мароқ зоҳир намуда истодаанд. Бинобар ин, имкониятҳои мавҷуда дар ин самт бояд самаранок истифода бурда шаванд. Дар ин замина таъкид гардид, ки иштирок ва муаррифӣ намудани зарфиятҳои нави сайёҳӣ дар намоишгоҳҳои сайёҳии Тоҷикистон ва Эрон ба манфиати ду ҷониб хоҳад буд.
Дар ҷараёни суҳбат оид ба масъалаи ташкили кумитаи муштараки техникӣ байни Ҷумҳурии Тоҷикистон ва Ҷумҳурии Исломии Эрон, ки қарор аст соли оянда дар Эрон баррасӣ гардад, изҳори назар шуд.
Ҳамзамон дар доираи иҷлосияи 25 — уми Маҷмаи умумии Созмони ҷаҳонии сайëҳӣ дар шаҳри Самарқанд мулоқоти Раиси Кумитаи рушди сайëҳии назди Ҳукумати Ҷумҳурии Тоҷикистон Камолиддин Муминзод бо намояндагони якчанд давлати аъзо баргузор шуд.
Зимни мулоқот ҷонибҳо васеъ намудани доираи ҳамкорӣ, табодули таҷриба ва пайдо намудани роҳҳои нави муаррифии имкониятҳои сайëҳӣ ба ҷаҳонгардонро муҳим шумориданд. Дар ин мулоқотҳо соддагардонӣ ва вобаста ба имконият аз байн бурдани он барои сайëҳон ба манфиати кор ҳисобида шуд.
Гуфта шуд, ки имрӯз ба мавзеъҳои сайëҳии Тоҷикистон ҷаҳонгардони олам таваҷуҳи хосса доранд ва имконоти мавҷуда дар ин самт бояд ҳарчӣ бештар истифода бурда шавад.
Ташкили намоишгоҳҳои байналмилалии зарфиятҳои сайëҳӣ як воситаи муҳим дар рушди минбаъдаи соҳа ҳисобида шуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Душанбе омодагӣ ба Фестивали байналмилалии сайёҳии «Наврӯз – мероси фарҳангию ҷаҳонгардӣ – 2026» баррасӣ гардид
EKHIZMAT.TJ. Ин портали ягонаи хизматрасониҳои давлатӣ ба шаҳрвандон 83 номгӯй хизматрасонии давлатӣ пешниҳод менамояд
НИШАСТИ МАТБУОТӢ. Қонунвайронкунии зиддиинҳисорӣ ба маблағи 3,5 миллион сомонӣ ошкор карда шуд
Муовини Сарвазири Тоҷикистон бо вазъи корҳои саҳроӣ дар ноҳияи Бобоҷон Ғафуров шинос гардид
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
Иқтидору имконияти сармоягузории Тоҷикистон дар Форуми B5+1 дар Бишкек муаррифӣ гардид
Намояндаи Тоҷикистон дар Ассамблеяи умумии Созмони ҳамкории рақамӣ иштирок намуд
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
Муовини Сарвазири Тоҷикистон бо фаъолияти кишоварзони шаҳри Исфара шинос гардид
Рушди ҳамкории тиҷоратии Ҷумҳурии Тоҷикистон ва Амороти Муттаҳидаи Арабӣ баррасӣ гардид
АФЗОИШИ ИЗОФАНАВИСИИ ЭНЕРГИЯИ БАРҚ БА СУРАТҲИСОБИ МУШТАРИЁН. Агентии назорати давлатии энергетикӣ дар ин хусус иттилоъ медиҳад
ТАЪСИРИ ОМИЛИ ИНСОНӢ. Бо рушди технологияҳои рақамӣ ва зеҳни сунъӣ он дар тамоми соҳаҳо ва ҳама гуна муносибатҳои молиявӣ коҳиш меёбад
