Дар шаҳри Норак дар мавзуи ҳунар ва ҳунармандӣ ҳамоиш доир шуд
ДУШАНБЕ, 12.10.2023. /АМИТ «Ховар»/. 11 октябр дар шаҳри Норак бо иштироки сокинону фаъолон ва намояндагони касбу кори гуногун дар мавзуи «Ҳунар — сармояи безаволи миллат» ҳамоиш баргузор шуд. Дар ин хусус ба АМИТ «Ховар» дар Кумитаи иҷроияи Ҳаракати ваҳдати миллӣ ва эҳёи Тоҷикистон хабар доданд.
Таъкид гардид, ки мавриди баррасӣ ва шарҳу тавзеҳ қарор гирифтани мавзуи ҳунар ва ҳунармандӣ муҳим буда, ташаббуси Кумитаи иҷроияи Ҳаракати ваҳдати миллӣ ва эҳёи Тоҷикистон дар ин самт саривақтӣ мебошад.
Дар идома мафҳумҳои ҳунар, ҳунарманд, касб, пеша, шуғл, меҳнат ва кору пайкор аз нигоҳи бунёдӣ ва фалсафӣ шарҳу тавзеҳ дода шуданд. Гуфта шуд, ки ҳунар гаронбаҳотарин сармоя буда, дар ҳама ҳолату вазъият инсонро муваффақу саодатманд нигоҳ медорад.
«Ҳунар шахсро бузургию азамат ва шаҳомат бахшида, зиндагӣ ва ҳаёти ӯро маъно медиҳад. Аз ин рӯ, омӯхтани ҳунар ва истифодаи он дар ҳаёт яке аз рисолатҳои аслии ҳар шахс маҳсуб шуда, моро вазифадор менамояд, ки дар омӯзиши ҳунар ва ба наслҳои баъдӣ мерос гузоштани он талоши созгор варзем», — тазаккур дода шуд дар ҳамоиш.
Иброз гардид, ки дар замони соҳибистиқлолии мамлакат бо шарофати сулҳу субот ва ваҳдати миллӣ заминаи мусоиди рушди тамоми навъҳои ҳунар ва ҳунармандӣ фароҳам омад.
Тавре дар ҳамоиш изҳор доштанд, анвои ҳунарҳое, ки сайёҳон ва гардишгарони хориҷӣ ба онҳо таваҷҷуҳи зиёд доранд, бояд дар тамоми шаҳру ноҳияҳои сайёҳии мамлакат, аз ҷумла шаҳри Норак рушди бештар дошта бошанд. Барои бо шуғл фаро гирифтан ва соҳибкасб намудани нафароне, ки шуғл ва ҳунар надоранд, то имрӯз чандин лоиҳа ва консепсияву барномаҳо қабул гардида, дар ҳоли амалишавӣ қарор доранд.
Дар фарҷом ба китобхонаи марказии шаҳри Норак ҷилдҳои китоби «Ваҳдат, Давлат, Президент» тақдим карда шуд.
АКС: Кумитаи иҷроияи Ҳаракати ваҳдати миллӣ ва эҳёи Тоҷикистон
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
