Дар шаҳри Санкт-Петербург намоиши ҷашнии Осорхонаи миллии Тоҷикистон баргузор мешавад
ДУШАНБЕ, 24.10.2023 /АМИТ «Ховар»/. Моҳи январи соли 2024 дар доираи Созишномаи ҳамкорӣ байни Осорхонаи миллии Тоҷикистон ва Осорхонаи давлатии таърихи сиёсии Русия дар шаҳри Санкт-Петербург бахшида ба 80-солагии озодшавии шаҳри Ленинград аз фашизм ва корнамоии қаҳрамононаи халқи тоҷик дар он намоиши муштарак баргузор мегардад. Дар ин хусус ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев иттилоъ дод.
Барои намоиш аз фонди тиллоии Осорхонаи миллӣ беш аз 100 ашёи гуногуни таърихӣ, аз қабили аризаҳои ихтиёрии иштирокчиёни ҷанг, аксҳо, мусаввараҳо, плакатҳо, сӯзаниҳо, зардевориҳо, лавозимот ва сару либоси ҷангӣ интихоб шудаанд, ки инъикосгари шуҷоату мардонагии мардуми тоҷик дар ғалаба бар фашизм мебошанд.
Бо мақсади омодагӣ ва дар сатҳи баланди касбӣ баргузор намудани ин намоиш ҳайати кормандони Осорхонаи давлатии таърихи сиёсии Русия дар шаҳри Санкт-Петербург бо роҳбарии муовини директори генералӣ Юлия Усачева ба Осорхонаи миллӣ омад.
Дар мулоқоте, ки директори Осорхонаи миллӣ Зафаршо Иброҳимзода бо ҳайати меҳмонон анҷом дод, масъалаҳои тақвияти ҳамкорӣ дар самти фаъолияти осорхонавӣ баррасӣ гардид.
Ҳамзамон меҳмонон бо осори гуногуни таърихию фарҳангие, ки инъикосгари қаҳрамониҳои халқи тоҷик дар озод намудани шаҳри Ленинград аз фашизм мебошанд, шинос шуданд.
АКС: Осорхонаи миллии Тоҷикистон
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
Байни нашрияи «Народная газета» ва Медиакорпоратсияи Чин Ёддошти ҳамкорӣ ба имзо расид
Дар Санкт-Петербург Ассамблеяи XIX генералии Созмони агентиҳои иттилоотии кишварҳои Осиё ва Уқёнуси Ором баргузор шуд
Дар Китобхонаи миллӣ китобномаи шарҳиҳолии Шоири халқии Тоҷикистон Ашӯр Сафар рӯнамоӣ гардид
САЙРИ БАДАХШОН. Дар вилоят беш аз 300 муассисаи фарҳангӣ ба мардум хизмат мерасонад
Дар Душанбе маросими кушодашавии 46-умин сессияи баҳории Академияи хурди илмҳои Тоҷикистон баргузор шуд
Санъати нодир — кундал дар Тоҷикистон рушд меёбад
