Дар Суғд бо соҳибкорони Узбекистон оид ба ҳамкории минбаъда мулоқот баргузор гардид
ДУШАНБЕ, 23.10.2023 /АМИТ «Ховар»/. Раиси вилояти Суғд Раҷаббой Аҳмадзода бо гурӯҳи соҳибкорон аз Ҷумҳурии Узбекистонро бо роҳбарии Гузал Тоҷимирзоева вохӯрӣ намуд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Раиси вилоят таъкид намуд, ки бо сиёсати оқилонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев тавсеаи робитаҳои бисёрҷонибаи ду давлати дӯст идома дорад.
Вилояти Суғди Тоҷикистон бо бисёр вилоятҳои Узбекистон ҳамкории тиҷоратию иқтисодӣ дошта, дар доираи созишномаҳои давлатӣ соҳибкорони ду мамлакат тарҳҳои муштаракро амалӣ менамоянд.
Аз ҷумла, дар шаҳри Гулистон корхонаи арматурбарории Ҷамъияти дорои масъулияти маҳдуди «Маҳмуд ва компания» таъсис дода шуд. Корхона соли 2019 мавриди баҳрабардорӣ қарор гирифта, дар он асосан арматура, ки дар сохтмони бинову иншооти гуногун, махсусан биноҳои бисёрошёна масолеҳи асосӣ ба шумор меравад, истеҳсол мегардад.
Дар ин корхона тавассути технологияи нави чинӣ арматураи тамғаи (маркаи) 335, 400, 500 ва 600, ки қутрашон аз 8 то 32 миллиметрро ташкил медиҳад, истеҳсол мегардад.
Соҳибкорони узбек омодагии худро ба тақвияти ҳамкорӣ баён доштанд.
АКС: Хадамоти матбуоти Раиси вилояти Суғд
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
