Дар Женева доир ба дастовардҳои Тоҷикистон дар давраи узвият дар Созмони ҷаҳонии савдо маълумот дода шуд
ДУШАНБЕ, 24.10.2023. /АМИТ «Ховар»/. 23 октябр дар шаҳри Женеваи Конфедератсияи Швейтсария ҷаласаи сатҳи баланд оид ба омодагӣ ба Конфронси 13-уми вазирони Созмони ҷаҳонии савдо баргузор гардид, ки дар кори он муовини Ввазири рушди иқтисод ва савдо Аҳлиддин Нуриддинзода иштирок ва сухан намуд. Дар ин хусус ба АМИТ «Ховар» дар Вазорати рушди иқтисод ва савдо хабар доданд.
Муовини Вазири рушди иқтисод ва савдо вобаста ба дастовардҳои Ҷумҳурии Тоҷикистон дар давраи узвият дар Созмони ҷаҳонии савдо, мавқеи мамлакат оид ба вазъи глобалӣ, бахусус ислоҳот дар Созмони ҷаҳонии савдо ва низоми савдои бисёрҷониба сухан гуфта, аз номи Ҳукумати Ҷумҳурии Тоҷикистон ба созмондиҳандагони ҳамоиш минатдорӣ баён намуд.
Дар ҷаласа асосан масъалаҳо вобаста ба такмили мавзуъҳои Конфронси 13-уми вазирони Созмони ҷаҳонии cавдо, аз ҷумла вазъи кунунии савдои ҷаҳонӣ, мушкилот, норасоиҳо ва имконияти рушди ҳамкорӣ ва дигар самтҳои тақвияти фаъолияти низоми савдои бисёрҷониба мавриди баррасии ҳайатҳо қарор дода шуданд.
Масъалаи дигаре, ки мавриди муҳокима қарор гирифт, ин қабули Созишнома оид ба субсидияи моҳидорӣ буд. Қабул гардидани ин Созишнома дар доираи Конфронси 13-уми вазирони Созмони ҷаҳонии cавдо моҳи феврали соли 2024 дар шаҳри Абузабии Амороти Муттаҳидаи Араб дар назар аст.
Созишномаи Созмони ҷаҳонии cавдо ба субсидияи моҳидорӣ бо мақсади устувории уқёнусҳо тавассути манъи субсидияҳои зараровар барои моҳипарварӣ равона шудааст. Ин сабаби асосии камшавии густурдаи захираи моҳӣ дар обҳои ҷаҳонӣ гардидааст.
АКС: Вазорати рушди иқтисод ва савдои Ҷумҳурии Тоҷикистон
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
