Донишҷӯёни тоҷик дар Форуми байналмилалии ҷавонон дар шаҳри Москва иштирок намуданд
ДУШАНБЕ, 26.10.2023 /АМИТ «Ховар»/. 24 октябр дар Донишгоҳи давлатии забоншиносии шаҳри Москва Форуми 3-юми байналмилалии ҷавонон таҳти унвони «Дӯстии халқҳо» бо иштироки ҷавонон ва донишҷӯёни давлатҳои иштирокдори Иттиҳоди Давлатҳои Мустақил баргузор гардид. Дар ин хусус ба АМИТ «Ховар» дар Сафорати Ҷумҳурии Тоҷикистон дар Федератсияи Русия хабар доданд.
Дар маросими ифтитоҳи форум Ректори Донишгоҳи давлатии забоншиносии Москва, намояндагони Вазорати корҳои хориҷии Федератсияи Русия, сафоратҳои давлатҳои иштирокдори Иттиҳоди Давлатҳои Мустақил ва диаспораҳои давлатҳои Осиёи Марказӣ иштирок намуданд.
Дар форум донишҷӯёни тоҷик аз донишгоҳҳои шаҳри Москва фаъолона иштирок намуда, фарҳангу санъати волои Ҷумҳурии Тоҷикистонро муаррифӣ сохтанд.
Мавриди тазаккур аст, ки форум ба таҳкими равобити дӯстона байни созмонҳои ҷавонони давлатҳои иштирокдори Иттиҳоди Давлатҳои Мустақил равона гардидааст.
Дар қисмати дигари форум панели мубоҳисавӣ дар мавзуи «Диаспора ва муоширати байнифарҳангиву иртибот байни наслҳо: мерос ва ояндаи умумӣ» доир шуд.
Гуфтан ба маврид аст, ки давоми солҳои соҳибистиқлолӣ бо талошу дастгириҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон нақши ҷавонон дар сиёсат, рушди соҳаҳои иҷтимоӣ, иқтисодӣ ва фарҳангӣ баръало эҳсос мегардад. Ҷавонон имрӯз соҳиби саводи баланд ва касбу кори гуногун буда, дар пешрафти илму техника ва ихтироъкориву навоварӣ саҳми арзанда мегузоранд.
Баргузории чунин форумҳо метавонад дар таҳкими дӯстӣ ва ҳамкории манфиатбахш байни донишҷӯёни тоҷик ва донишҷӯёни давлатҳои дигари иштирокдори Иттиҳоди Давлатҳои Мустақил мусоидат намояд.
АКС: Сафорати Ҷумҳурии Тоҷикистон дар Федератсияи Русия
Корманди Донишгоҳи давлатии омӯзгории Тоҷикистон соҳиби ҷоизаи «Мутахассиси муносибатҳои байналмилалии сол –2025» гардид
Ғолибони «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» муайян гардиданд
Дар Донишгоҳи техникии Тоҷикистон оид ба шарҳи Паёми Президенти Тоҷикистон ба Маҷлиси Олӣ ҳамоиш доир шуд
Дар Донишгоҳи давлатии Бохтар татбиқи технологияҳои муосири рақамӣ ва алгоритмҳои зеҳни сунъӣ баррасӣ гардид
Қабули Қонуни Ҷумҳурии Тоҷикистон «Дар бораи мақоми омӯзгор» рамзи эҳтиром ба заҳмати омӯзгор аст
Дар Донишгоҳи давлатии Кӯлоб бахшида ба Паёми Президенти Тоҷикистон ба Маҷлиси Олӣ ҳамоиш баргузор шуд
ҚОНУН «ДАР БОРАИ МАҚОМИ ОМӮЗГОР». Қабули он далели таваҷҷуҳи рӯзафзуни Ҳукумати Тоҷикистон нисбат ба тарбиятгарони насли наврас аст
Дар Донишгоҳи байналмилалии сайёҳӣ ва соҳибкории Тоҷикистон олимпиадаи хонандагони синфҳои 11 оғоз гардид
ТАВАҶҶУҲИ ХОССА БА СОҲАИ МАОРИФ ДАР ПАЁМИ ПРЕЗИДЕНТИ ҶУМҲУРИИ ТОҶИКИСТОН. Андешаҳо дар мавриди самтҳои асосии ин соҳаи муҳим
Густариши ҳамкории илмии Донишгоҳи давлатии ҳуқуқ, бизнес ва сиёсати Тоҷикистон бо донишгоҳҳои Корея баррасӣ шуд
Байни Маркази ҷумҳуриявии дарёфт ва рушди истеъдодҳо ва ширкати академии «Bright»-и Шоҳигарии Камбоҷа Ёддошти тафоҳум имзо гардид
НИЗОМИ ДУВОЗДАҲСОЛАИ ТАЪЛИМ. Дар Тоҷикистон барои гузариш ба он омодагӣ мебинанд
