Муассисаи давлатии «Хона-интернати пиронсолон ва маъюбон»-и шаҳри Турсунзода ба шабакаи ягонаи гармидиҳии буғӣ пайваст гардид
ТУРСУНЗОДА, 14.10.2023 /АМИТ «Ховар»/. Муассисаи давлатии «Хона-интернати пиронсолон ва маъюбон»-и шаҳри Турсунзода ба мавсими сармо пурра омода карда шудааст.
Муовини директор оид ба хоҷагии «Хона-интернати пиронсолон ва маъюбон»-и шаҳри Турсунзода Муҳаммад Бобозода ба хабарнигори АМИТ «Ховар» Субҳониддини Маҳмуд гуфт, ки «бо дастгирии Ҳукумати Ҷумҳурии Тоҷикистон биноҳои муассиса ба шабакаи ягонаи гармидиҳии буғӣ пайваст гардид. Дар фасли зимистон ба воситаи ин шабака ҳуҷраҳои бошандагони муассиса пурра бо гармӣ таъмин мешаванд. Аз ин рӯ мувофиқи нақшаи зимистонгузаронӣ 100 тонна ангишти хушсифат ва 60 метри мукааб ҳезуми хушк захира шудааст».
Масъулини Хона-интернати пиронсолон ва маъюбон ҳар ваҷаб замини назди муассиса ва хоҷагии ёрирасонро самаранок истифода бурда, аз он ду-се ҳосил ба даст оварданд. Аз ҳисоби ҷамъоварии ҳосили заминҳои муассиса барои зимистонгузаронии бошандагон 7750 кг гандум, 1500 кг картошка, 335 кг сирпиёз, 970 кг помидор, 800 кг боимҷон, 550 кг қаламфури булғорӣ ва 2250 кг ҷуворимакка истеҳсол шудааст. Кормандони хоҷагии ин муассиса зиёда аз 300 кг меваҳои зардолую себу олу хушк намуда, аз маҳсулоти назди муассиса 1500 зарфи шишагӣ шарбати мева, 120 зарфи шишагӣ шакароб, бодиринги шӯр ва қайлаи помидор захира намудаанд.
Дар айни замон дар заминҳои хоҷагии ёрирасони муассиса лаблабу, турб, шалғам, сабзӣ, карам, шолӣ, сабзӣ, лимӯ ва сирпиёз мавҷуд аст, ки аз онҳо барои хӯроки бошандагон самаранок истифода мебаранд.
Ба гуфтаи масъулини Хона-интернати пиронсолон ва маъюбон, дар ин муассиса 13 сар чорвои калони шохдор парвариш меёбад, ки ҳамарӯза шир ҷӯшида, барои истиқоматкунандагони муассиса хӯрок омода менамоянд.
Бо заҳматҳои шабонарӯзии кормандон дар заминҳои назди муассиса гармхона сохта шудааст, ки дар он дарахти лимӯ парвариш меёбад. Хушбахтона, бо мусоид омадани боду ҳаво ва сари вақт додани обу ғизо имсол ҳосили хуби лимӯ ба даст омад, ки пиронсолону маъюбон аз он истифода менамоянд.
Дар муассисаи мазкур дар айни замон 185 бошандаи гуногунмиллат бо ҳам дӯстона зиндагӣ менамоянд. Бо ғамхориҳои Ҳукумати мамлакат ва меҳнати доимии кормандони муассиса барои онҳо беҳтарин шароити зиндагӣ муҳайё гардидааст.
АКС: АМИТ «Ховар»
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
