Намояндагони шаҳри Кӯлоб ба шаҳри Қунияи Ҷумҳурии Туркия сафар намуданд
КӮЛОБ, 28.10.2023. /АМИТ «Ховар»/. Ҷиҳати таҳким бахшидан ба робитаҳои тиҷоратию иқтисодӣ, фарҳангию гуманитарӣ ва рушди соҳаҳои саноату истеҳсолот ҳайати расмии Мақомоти иҷроияи ҳокимияти давлатии шаҳри Кӯлоб ва гурӯҳи соҳибкорони шаҳри Кӯлоб ба шаҳри Қунияи Ҷумҳурии Туркия сафари корӣ намуданд, хабар медиҳад мухбири минтақавии АМИТ «Ховар».
Тавре аз Мақомоти иҷроияи ҳокимияти давлатии шаҳри Кӯлоб иттилоъ доданд, дар доираи сафари мазкур ҳайати меҳмонон бо роҳбарияти вилоят ва шаҳри Қуния суҳбату мулоқотҳои мутақобилан судманд анҷом доданд, ки барои густариши ҳамкории иқтисодию тиҷоратии минбаъда ва бунёди корхонаҳои нави саноатӣ заминаи мусоид фароҳам оварда шуд.
Дар ин раванд меҳмонон бо фаъолияти як қатор корхонаҳои саноатӣ ва муассисаҳои илмию фарҳангии шаҳри Қуния шинос шуда, чиҳати густариши робитаҳои иқтисодию тиҷоратӣ ва фарҳангию гуманитарӣ санадҳои нави ҳамкорӣ ба имзо расонида шуданд.
Ҳайати меҳмонон дар маросими ифтитоҳи расмии Намоишгоҳи байналмилалии пойафзол «Master Shoes» иштирок намуда, зимни мулоқот ва вохўриҳо аз сармоягузорон ва соҳибкорони шаҳри Қуния барои бунёди корхонаҳои нави саноатӣ дар ҳудуди шаҳри Кӯлоб, ба хусус дар Минтақаи озоди иқтисодии «Кӯлоб» даъват карда шуд.
Мавриди тазаккур аст, ки шаҳри бостонии Кӯлоб бо шаҳри Қунияи Ҷумҳурии Туркия бародаршаҳр буда, то инҷониб байни ин шаҳрҳо Созишнома оид ба ҳамкории тиҷоратӣ-иқтисодӣ, илмӣ-техникӣ ва гуманитарию фарҳангӣ ба имзо расонида шудааст.
АКС: Мақомоти иҷроияи ҳокимияти давлатии шаҳри Кӯлоб
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
