ҶОМИ КФО-2023/24. Дастаҳои «Равшан»-и Тоҷикистон ва «Абдиш-Ата»-и Қирғизистон бозӣ менамоянд

Октябрь 11, 2023 14:23

ДУШАНБЕ, 11.10.2023. /АМИТ «Ховар»/. Дастаи футболи «Равшан»-и шаҳри Кӯлоб — барандаи медали нуқраи чемпионати Тоҷикистон дар мавсими гузашта дар даври навбатии марҳилаи гурӯҳии Ҷоми КФО-2023/24 бо дастаи футболи «Абдиш-Ата» — чемпиони Қирғизистон бозӣ менамояд. Ин дидор 26 октябр, соати 19:00 дар Варзишгоҳи марказии шаҳри Ҳисор баргузор мешавад. Дар ин хусус шореҳи варзиши АМИТ «Ховар» хабар медиҳад.

5 октябр дар шаҳри Ашқободи Туркманистон бозии даври дуюми марҳилаи гурӯҳии Ҷоми КФО-2023/24 дар минтақаи марказӣ байни дастаҳои футболи «Олтин Асир»-и Туркманистон ва барандаи медали нуқраи чемпионати Тоҷикистон дар мавсими гузашта- дастаи «Равшан»-и шаҳри Кӯлоб баргузор гардид.

Вохӯрии дастаҳои футболи «Олтин Асир»-и Туркманистон ва «Равшан»-и шаҳри Кӯлоб дар варзишгоҳи «Ашқобод» дар ҳузури 16 000 нафар мухлис баргузор шуда, бо ҳисоби мусовӣ: 1 бар 1 ба анҷом расид. Тӯбҳоро аз ҳайати дастаи «Равшан»-и шаҳри Кӯлоб – Эммануэл Мваненго дар дақиқаи 17-ум ва аз ҳайати мизбонон Оразсаҳед Муратбердиев дар дақиқаи 52-юм ба нишон расониданд.

Ёдовар мешавем, ки дар даври аввал дастаи футболи «Равшан»-и шаҳри Кӯлоб бо дастаи «Марв»-и Туркманистон бо ҳисоби мусовии 0 бар 0 дар шаҳри Ҳисор бозӣ намуда буд.

АКС: Федератсияи футболи Тоҷикистон

Октябрь 11, 2023 14:23

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад