Роҳҳои маҳаллӣ дар ноҳияи Дӯстӣ мумфарш мешаванд

ДУШАНБЕ, 11.10.2023. /АМИТ «Ховар»/. Имрӯз дар деҳаи «Маҳрами Ҳотам»-и ноҳияи Дӯстӣ бо ташаббуси узви фаъоли Ҳизби Халқии Демократии Тоҷикистон дар ноҳия Солеҳ Маҳмадхоҷаев, саҳми сокинони деҳа ва дигар ҷонибдорони ҳизб мумфаршнамоии  қисми асосии роҳи деҳа оғоз карда шуд, хабар медиҳад АМИТ «Ховар».

Дар ин кор саҳми кормандони Муассисаи назорати давлатии роҳҳои автомобилгарди ноҳияи Дӯстӣ низ назаррас буда, бо истифода аз техникаҳои роҳсозии ин муассиса роҳ мумфарш карда мешавад.

Чунин иқдом аз ҷониби сокинон идома ёфта, рӯзҳои наздик дигар қисматҳои роҳи деҳа низ мумфарш карда мешавад.

Тазаккур дода шуд, ки бо дастгирии Ҳукумати Ҷумҳурии Тоҷикистон ва дар партави сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  пешрафт ва рушди пайвастаи деҳоти мамлакат давра ба давра таъмин мегардад.

АКС аз манбаъҳои боз