Устодону донишҷӯёни Донишгоҳи давлатии Хуҷанд ғолиби даври ҷумҳуриявии озмуни «Илм-фурӯғи маърифат» гардиданд
ДУШАНБЕ, 30.10.2023 /АМИТ «Ховар»/. Устодону донишҷӯёни Донишгоҳи давлатии Хуҷанд ба номи академик Бобоҷон Ғафуров дар даври ҷумҳуриявии Озмуни «Илм – фурӯғи маърифат» ҷойҳои намоёнро соҳиб шуданд, хабар медиҳад АМИТ «Ховар» бо истинод ба ин донишгоҳ.
Аз ҷумла, номзади илмҳои техникӣ, дотсенти кафедраи системаҳои бисёршабакавии телекоммуникатсионии факултети телекоммуникатсия ва технологияҳои иттилоотии донишгоҳ Аҳмадҷон Домуллоҷонов дар номинатсияи ихтироъкорӣ ва навоварӣ сазовори ҷойи дуюм ва мукофотпулӣ дар ҳаҷми 25 ҳазор сомонӣ, Шаҳриёр Авезов – докторанти курси аввали факултети биология ва химия дар номинатсияи химия соҳиби ҷойи сеюм ва мукофотпулӣ дар ҳаҷми 15 ҳазор сомонӣ, Мақсадхон Раҳмонова – донишҷӯи курси 4-уми факултети математика дар номинатсияи математика соҳиби ҷойи сеюм ва мукофотпулӣ дар ҳаҷми 15 ҳазор сомонӣ гардиданд.
Ҳамзамон Сунатилло Ибодзода –донишҷӯи курси панҷуми факултети физикаю техника дар номинатсияи физика ва Идрисҷон Мамадҷонов – донишҷӯи курси чоруми факултети математика дар номинатсияи технологияҳои иттилоотӣ бо Ифтихорномаи Академияи миллии илмҳои Тоҷикистон қадрдонӣ шуданд.
Озмуни ҷумҳуриявии «Илм – фурӯғи маърифат» дар заминаи татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) гузаронида шуда, соли сеюм аст, ки бо ташаббус ва дастгириҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон доир мегардад.
АКС: Донишгоҳи давлатии Хуҷанд ба номи академик Бобоҷон Ғафуров
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
Дар муассисаҳои таълимии ноҳияи Данғара даври аввали (муассисавии) Озмуни ҷумҳуриявии «Фурӯғи субҳи доноӣ китоб аст» оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
