Вазири молияи Тоҷикистон дар ҳамоиши сатҳи баланд дар Марокаш иштирок намуд
ДУШАНБЕ, 11.10.2023 /АМИТ «Ховар»/. Вазири молияи Ҷумҳурии Тоҷикистон Файзиддин Қаҳҳорзода дар шаҳри Марокаши Шоҳигарии Марокаш дар ҳамоиши сатҳи баланди Фонди байналмилалии рушди кишоварзӣ таҳти унвони «Дарёфти воситаҳои нав барои дигаргунсозии соҳаи кишоварзӣ дар кишварҳои Шарқи Наздик, Африқои Шимолӣ, Аврупо ва Осиёи Марказӣ: Тақвияти шарикӣ барои рушди устувор» иштирок намуд, иттилоъ медиҳад АМИТ «Ховар» бо истинод ба Вазорати молияи мамлакат.
Ҳамоиш дар ҳошияи ҷаласаҳои солонаи Хазинаи Байналмилалии Асъор ва Бонки ҷаҳонӣ доир гардид.
Президенти Фонди байналмилалии рушди кишоварзӣ Алваро Ларио дар ҳамоиш оид ба саҳми ин фонд дар татбиқи лоиҳаҳои афзалиятноки соҳаи кишоварзӣ дар минтақа сухан гуфт.
Зимнан Директори минтақавии Фонд оид ба давлатҳои Шарқи Наздик, Африқои Шимолӣ, Аврупо ва Осиёи Марказӣ хонум Дина Салеҳ вобаста ба дурнамои ҷалби маблағгузорӣ ба иқтисодиёти кишварҳои минтақа барои се соли минбаъда ибрози андеша намуд.
Вазири молияи Тоҷикистон аз сатҳи ҳамкорӣ бо Фонди байналмилалии рушди кишоварзӣ изҳори қаноатмандӣ намуда, омодагии мамлакатро ҷиҳати татбиқи лоиҳаҳои нави муштараки сармоягузорӣ дар самти таъмини дастрасии аҳолӣ ба техникаи кишоварзӣ, рушди соҳаи чорводорӣ ва ҳифзи муҳити зист иброз намуд.
АКС: Вазорати молияи Ҷумҳурии Тоҷикистон
Сулаймон Зиёзода дар ноҳияи Спитамен бо вазъи соҳаҳои пахтакорӣ, боғдорӣ ва токпарварӣ шинос гардид
Ҷаласаи 21-уми Кумитаи ҳамоҳангсоз оид ба содагардонии расмиёти савдо доир шуд
Дар вилояти Хатлон имконоти ҳамкорӣ дар самти бунёди неругоҳҳои барқӣ баррасӣ гардид
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
14 август Озмуни ҷумҳуриявии «Топ-35-шарики боэътимоди сол» баргузор мегардад
Тоҷикистон таҷрибаи пешрафтаи Қазоқистонро дар самти истифода аз технологияҳои нав барои рушди соҳаи мелиоратсия меомӯзад
Дар Тоҷикистон низоми e-Phyto татбиқ мегардад
Оид ба кам намудани талафоти неруи барқ дар вилояти Хатлон Созишномаи қарзии иловагӣ ба имзо расид
Дар вилояти Суғд ба маблағи 20,5 миллиард сомонӣ маҳсулоти саноатӣ истеҳсол гардидааст
Тоҷикистон ба SpaceX/Starlink лоиҳаи Харитаи роҳи ҳамкориро пешниҳод намуд
Тоҷикистон ва Беларус бо мақсади рушди соҳаи нақлиёт ва логистика Харитаи роҳ оид ба ҳамкориро таҳия менамоянд
Давоми шаш моҳи соли 2026 зиёда аз 700 ҳазор сайёҳон ба шаҳри Душанбе ташриф овардаанд
