13 НОЯБР-РӮЗИ БАЙНАЛМИЛАЛИИ НОБИНОЁН. Теъдоди онҳо дар ҷаҳон 36 миллион нафарро ташкил медиҳад
ДУШАНБЕ, 13.11.2023. /АМИТ «Ховар»/. Бо мақсади ҷалби таваҷҷуҳи ҷомеаи ҷаҳонӣ ба онҳое, ки биноии худро комилан аз даст дода, бо вазъи душвори зиндагӣ рӯ ба рӯ шудаанд, 13 ноябр аз ҷониби Созмони ҷаҳонии тандурустӣ Рӯзи байналмилалии нобиноён эътироф шудааст. Тибқи маълумоти ин созмон, имрӯз дар ҷаҳон тақрибан 2,2 миллиард нафар дорои нуқсони биноӣ буда, 36 миллион нафари он нобино мебошанд.
Дар Тоҷикистон барои баланд бардоштани сатҳи зиндагӣ ва маърифатнокии шахсони нобино ва қувваи босираашон суст пайваста корҳои назаррас анҷом дода мешаванд. Аз ҷумла, дар ҷумҳурӣ Ҷамъияти нобиноёни Тоҷикистон фаъолият менамояд, ки дорои 11 филиал дар шаҳру ноҳияҳои вилояти Хатлон, Суғд, Вилояти Мухтори Кӯҳистони Бадахшон, ноҳияҳои тобеи ҷумҳурӣ ва шаҳри Душанбе мебошад.
«Ҳадафи асосии Ҷамъияти нобиноён ҳифзи ҳуқуқ ва манфиатҳои маъюбони чашм, иштирок дар муайянсозӣ ва татбиқи сиёсати давлатӣ нисбат ба нобиноён, мусоидат ва татбиқи ваколатҳои давлатӣ дар офияти тиббӣ, касбӣ, иҷтимоӣ ва муттаҳидкунӣ, ҷалби онҳо ба меҳнат, маълумот, фарҳанг ва варзиш, беҳтар намудани шароити моддӣ-маишии онҳо мебошад», -иброз намуд зимни суҳбат бо хабарнигори АМИТ «Ховар» директори Ҷамъияти нобиноёни Тоҷикистон Жантемир Нормуродов.
Ба иттилои ӯ, дар айни замон дар Тоҷикистон беш аз 10 ҳазор нафар нобиноён сабт шудаанд, ки аз ин теъдод 1800 нафарашон кӯдакон мебошанд.
«Аз ҷониби филиалҳои Ҷамъияти нобиноёни Тоҷикистон барои нобиноён чопи китобҳои дарсӣ, дастурҳои тиббӣ бо ҳуруфоти брайлӣ амал намуда, маҳфилҳои махсуси таълимии инкишофдиҳанда, аз ҷумла шоҳмоту шашка, буриш ва дӯзандагӣ, ҳунарҳои гуногун, таҳия ва таъмири пойафзол, инчунин синфи мусиқӣ ва омӯзиши компютер ташкил шудаанд», -гуфт ӯ.
Тазаккур дода шуд, ки дар Тоҷикистон шумораи мактаб-интернатҳои кӯдакони нобино 6 адад мебошад. Аз ҷумла, мактаб-интернат дар шаҳри Исфара, кӯдакистон-мактаби махсуси нобиноён дар шаҳри Хуҷанд, мактаби шабонарӯзии кӯдакони нобино ва сустбин дар шаҳри Душанбе таъсис дода шудаанд.
Ҳамзамон дар ҷумҳурӣ 2 мактаби шабона-ғоибона барои калонсолони нобино дар шаҳрҳои Ҳисор ва Ваҳдат фаъолият доранд.
Зарангези ЛАТИФ,
АМИТ «Ховар»
АКС аз манбаъҳои боз
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
