ДУШАНБЕ, 20.11.2023 /АМИТ «Ховар»/. 17 ноябр дар деҳаи Баррӯшони ноҳияи Рӯшон ошхонаи «Тезтайёр» мавриди истифода қарор дода шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Рӯшон хабар медиҳад.

Иншоот аз ҷониби соҳибкори маҳаллӣ Рамеш Худоиев бахшида ба 35-солагии Истиқлоли давлатии Ҷумҳурии Тоҷикистон бунёд гардид.

Зимни боздид аз ин ошхона раиси вилоят ба шароит ва хизматрасонии сатҳи баланд дар он баҳои баланд дод.

Гуфта шуд, ки бунёди чунин ошхонаҳои замонавӣ на танҳо барои сокинону меҳмонони вилоят шароити хуб фароҳам меоварад, балки барои рушди сайёҳӣ низ мусоидат менамояд.

Таъкид гардид, ки дар марҳилаи рушди вилоят соҳибкорони ватандӯст таҳти сиёсати бунёдкорони Пешвои миллат муҳтарам Эмомалӣ Раҳмон ба корҳои созандагӣ машғул шуда, дар ободонии диёр ҳисса мегузоранд.

АКС: Мақомоти иҷроияи ҳокимияти давлатии ноҳияи Рӯшон