«АЗ ШАҲРВАНДИ ТОҶИКИСТОН БУДАНАМ ИФТИХОР ДОРАМ!» Дар Душанбе иқдоми тарғиботӣ ва барномаи бошукуҳ доир шуд

Ноябрь 7, 2023 15:04

ДУШАНБЕ, 07.11.2023. /АМИТ «Ховар»/. Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Хадамоти шиносномавию бақайдгирии Вазорати корҳои дохилии Ҷумҳурии Тоҷикистон дар тамоми шаҳру ноҳияҳои мамлакат иқдоми ҷумҳуриявии «Аз шаҳрванди Тоҷикистон буданам ифтихор мекунам»-ро доир менамояд. Аз ҷумла, дар Кохи «Суруш» барномаи фарҳангии бошукуҳ ва маросими супоридани шиносномаҳо ба шаҳрвандоне, ки нахустин маротиба соҳиби шиносномаи миллӣ мегарданд, баргузор гардид. Дар ин хусус ба АМИТ «Ховар» дар Кумитаи кор бо ҷавонон ва варзиш хабар доданд.

Дар ҳамоиш беш аз 40 нафар ҷавонони фаъол, ки нахустин маротиба соҳиби шиносномаи миллӣ мегардиданд, дар фазои идона бо шиносномаҳо сарфароз гардонида шуданд.

Дар ҷамъомад роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Хадамоти шиносномавию бақайдгирии Вазорати корҳои дохилии Ҷумҳурии Тоҷикистон, намояндагони Вазорати корҳои дохилии Ҷумҳурии Тоҷикистон, Суди Олии иқтисодии Ҷумҳурии Тоҷикистон, вакилони Маҷлиси намояндагони Маҷлиси Олии Ҷумҳурии Тоҷикистон, номояндагони вазорату идораҳо, ташкилоту муассисаҳо, ташкилоти қарзӣ ва ҷавонони фаъол, дар маҷмуъ 800 нафар иштирок намуданд.


Тазаккур дода шуд, ки шиноснома – ин ҳуҷҷати аввалиндараҷа ва тасдиқкунандаи шахсият мебошад, ки шаҳрванд тамоми ҳуҷҷатгузориҳои худро тавассути он амалӣ менамояд. Шиносномаи шаҳрванд ҳуҷҷати тасдиқкунандае аст, ки дастрасии шаҳрвандонро ба имконияти иҷтимоию иқтисодӣ фароҳам оварда, соҳиби шиноснома таҳти ҳимояи давлату Ҳукумат қарор дорад.

Мақсад аз баргузории ин иқдом — мусоидат ба таҳким ва рушди шуури миллӣ, ҳамбастагии шаҳрвандии насли ҷавони мамлакат, тарбияи онҳо дар руҳияи эҳтиром ба таърих ва Конститутсияи Ҷумҳурии Тоҷикистон, волоияти қонун ва меъёрҳои ҳаёти иҷтимоӣ мебошад.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Ноябрь 7, 2023 15:04

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд