БАХШИДА БА 35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Ваҳдат 215 иншооти гуногун ба истифода дода шуд
ВАҲДАТ, 05.11.2023 /АМИТ «Ховар»/. Мақомоти иҷроияи ҳокимияти давлатии шаҳри Ваҳдат барои дар сатҳи баланд пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон сохтмони 808 иншооти таъйиноти гуногунро ба нақша гирифтааст, ки инҳо 92 корхонаи саноатӣ, 119 синфхонаи иловагию муассисаҳои таълимӣ ва 419 маркази хизматрасонӣ мебошанд. Дар ин хусус котиби комиссияи иншооти ҷашнӣ ба муносибати 35-солагии Истиқлолияти давлатии Ҷумҳурии Тоҷикистони шаҳри Ваҳдат Хусрав Абдуллозода ба хабарнигори АМИТ «Ховар» Субҳонидини Маҳмуд иттилоъ дод.
Хусрав Абдуллозода гуфт, ки то имрӯз аз ин шумора 215 иншоот, аз ҷумла 12 корхонаю коргоҳи истеҳсолӣ, 18 иншооти соҳаи тандурустӣ, 29 иншооти соҳаи маориф, 2 иншооти варзишӣ, 70 иншооти хизматрасонӣ, 30 иншооти савдо ва хӯроки умумӣ, 22 роҳу пул, 9 бинои истиқоматии баландошёна ва дигар намуди иншооти дорои аҳамияти ҷумҳуриявию маҳаллӣ мавриди баҳрабардорӣ қарор дода шудаанд.
Мувофиқи нақшаи генералии маркази шаҳри Ваҳдат, барои бунёди биноҳои баландошёнаи истиқоматӣ зиёда аз 60 қарори раиси шаҳр ба тасвиб расидааст. Дар айни замон корҳои сохтмонӣ дар зиёда аз 20 иншооти баландошёна оғоз гардида, муташаккилона идома доранд.
Сармеъмори шаҳри Ваҳдат Вайсиддин Давлатзода иброз дошт, ки иншооти ҷашнӣ мувофиқи қоидаҳои меъморӣ ва бо сифати баланд сохта мешаванд. Комиссияи доимӣ ҷараёни ин сохтмонҳоро мунтазам назорат менамояд.
Сокинони шаҳри Ваҳдат бо ҳисси баланди ватандӯстӣ баҳри ободу зебо гардонидани шаҳр саъю талош намуда, кӯшиш доранд, ки то ҷашни 35-солагии Истиқлоли давлатӣ иншооти боқимондаи ҷашнӣ, аз қабили навсозии пулу роҳҳо, бунгоҳҳои тиббӣ, майдончаҳои варзишӣ, коргоҳу корхонаҳои истеҳсолӣ, синфхонаҳои иловагию муассисаҳои таълимӣ ва марказҳои хизматрасониро бунёд намуда, ба истифода диҳанд.
АКС: АМИТ «Ховар»
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои нави маъмурии Ҷамоати деҳоти «Фархор» сохта мешавад
Роҳҳои маҳаллии шаҳри Панҷакент мумфарш карда мешаванд
35-СОЛАГИИ ИСТИҚЛОЛИ ДАВЛАТӢ. Дар Истаравшан 990 иншоот бунёд, таъмир ва навсозӣ карда мешаванд
Сарвари давлат Эмомалӣ Раҳмон дар ноҳияи Данғара дар Семинар-машварати ҷумҳуриявии кишоварзон ва мулоқот бо фаъолон иштирок намуданд
Дар шаҳри Истаравшан 4 муассисаи таълимӣ сохта мешавад
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи навбунёди ҶДММ «Оксус Интеразия»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Данғара ба сохтмони марҳилаи дуюми корхонаи ҶДММ «Сипар Групп» санги асос гузоштанд
Пешвои миллат Эмомалӣ Раҳмон дар ноҳияи Данғара ба бунёди коргоҳи дару тиреза ва панелҳои алюминии ҶДММ «Куруши Кабир Индастри» санги асос гузоштанд
35-СОЛАГИИ ИСТИҚЛОЛИ ДАВЛАТӢ. Роҳи деҳаи Нурободи ноҳияи Шаҳринав мумфарш карда шуд
