Байни Ҷумҳурии Тоҷикистон ва Бонки Авруосиёии рушд созишномаи сармоягузорӣ ба имзо расид

Ноябрь 22, 2023 14:45

ДУШАНБЕ, 22.11.2023 /АМИТ «Ховар»/. Дар доираи сафари расмии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Федератсияи Русия дар шаҳри Москва Созишнома оид ба ҷудо намудани қарзи сармоягузорӣ аз маблағҳои Фонди Авруосиёии субот ва рушд барои маблағгузории лоиҳаи «Навсозии низоми обёрӣ» байни Ҳукумати Ҷумҳурии Тоҷикистон ва Бонки Авруосиёии рушд ба имзо расид.

Созишномаро Вазири молияи Ҷумҳурии Тоҷикистон Файзиддин Қаҳҳорзода ва Директори иҷроияи Фонди Авруосиёии субот  ва рушд   Андрей Широков имзо намуданд.

Мақсади асосии лоиҳа баланд бардоштани иқтидори низомҳои обёрӣ дар Ҷумҳурии Тоҷикистон ба ҳисоб рафта, он дар ноҳияи Зафарободи вилояти Суғд татбиқ карда мешавад.

Арзиши умумии лоиҳа 32 миллион доллари Иёлоти Муттаҳидаи Амрикоро ташкил дода, пурра аз ҳисоби маблағҳои қарзи имтиёзноки Фонди Авруосиёии субот  ва рушд маблағгузорӣ мегардад.

Татбиқи лоиҳаи мазкур аз соли 2024 оғоз ёфта, анҷомёбии он соли 2029 пешбинӣ шудааст.

  АКС: АМИТ «Ховар»

Ноябрь 22, 2023 14:45

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд