Дар Бонки миллӣ раванди «Баҳодиҳии навбатии хавфи миллии қонунигардонии даромадҳои бо роҳи ҷиноят бадастоварда ва маблағгузории терроризм» баррасӣ шуд
ДУШАНБЕ, 28.11.2023 /АМИТ «Ховар»/. Баҳодиҳии навбатии хавфи миллии Ҷумҳурии Тоҷикистон дар самти қонунигардонии даромадҳои бо роҳи ҷиноят бадастоварда ва маблағгузории терроризм (БХМ ҚД/МТ) дар доираи ҳамкорӣ бо Дафтари барномаҳои Созмони амният ва ҳамкорӣ дар Аврупо дар Душанбе идома дорад. Бо ин мақсад сафари дуюми коршиноси сатҳи байналмилалӣ 20-24 ноябр ба ҷумҳурӣ доир шуда, дар Бонки миллии Тоҷикистон ва дигар мақомоти дахлдор вохӯриҳои дуҷонибаю бисёрҷониба баргузор гардиданд, хабар медиҳад АМИТ «Ховар» бо истинод ба Бонки миллӣ.
Дар ҷараёни вохӯриҳо лоиҳаи ҳисоботи таҳияшудаи БХМ ҚД/МТ бо аъзои гурӯҳи корӣ оид ба БХМ ҚД/МТ таҳти роҳбарии мушовири бахши Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Сайфиддин Сироҷзода мавриди баррасӣ қарор дода шуд.
Давоми ҳафта бо иштирокдорон лоиҳаи ин ҳисобот, ки дар он таҳдидҳои қонунигардонии (расмикунонии) даромадҳои бо роҳи ҷиноят бадастоварда дар бахшҳои гуногун, инчунин осебпазирӣ дар ташкилоти ҳисоботдиҳандаи мамлакат арзёбӣ мешаванд, муҳокима гардид.
Таъкид гардид, ки дар баҳодиҳӣ бевосита хавфҳои ҷорӣ ва эҳтимолӣ дар сатҳи миллӣ арзёбӣ мешаванд ва дар заминаи он ҷиҳати чораҷӯӣ ва бартараф намудани хавфҳо нақшаи чорабиниҳо тартиб дода мешавад.
Дар натиҷаи мулоқотҳои баргузоргардида қарор дода шуд, ки иттилооти аз ҷониби аъзои гурӯҳи корӣ пешниҳодшуда дар ҳисоботи ниҳоӣ бо назардошти таҳдидҳо, осебпазирӣ ва оқибатҳои имконпазири хавфҳо истифода бурда шаванд.
Дар назар аст, ки баъд аз ҷонибдорӣ шудани лоиҳаи ҳисобот аз тарафи гурӯҳи корӣ шакли ниҳоии он дар ҷаласаи навбатии Комиссияи доимамалкунандаи байниидоравӣ оид ба муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом, ки таҳти роҳбарии Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ амал менамояд, тасдиқ гардад.
АКС: Бонки миллии Тоҷикистон
Ҷамъоварии картошка ва пиёз дар ҳама шаклҳои хоҷагидории ноҳияи Панҷ идома дорад
ҚУРБИ АСЪОР: 1 рубли русӣ аз 0.1265 то 0.1307 сомонӣ муқаррар шудааст
20 май — Рӯзи умумиҷаҳонии метрология: дар Тоҷикистон соҳаи метрология рушд меёбад
Раванди ислоҳоти низоми гумрукӣ ва татбиқи барномаҳои рақамикунонӣ бо Бонки ҷаҳонӣ баррасӣ шуд
Масоили омодагӣ ба баргузории Конфронси чоруми байналмилалии сатҳи баланд оид ба об баррасӣ гардид
Ҳайати Тоҷикистон дар саммити роҳбарони Форуми ҷаҳонии шаҳрҳо (WUF13) дар Боку иштирок намуд
Муовини Сарвазири Тоҷикистон бо фаъолияти кишоварзони ноҳияи Фархор шинос шуд
Дар Нишасти Гурӯҳи дӯстони пиряхҳо ташаббусҳои глобалии Тоҷикистон оид ба об ва ҳифзи пиряхҳо баррасӣ шуданд
Бонки миллии Тоҷикистон лоиҳаи озмоишии андозбандии соҳибкорони инфиродиро шарҳ медиҳад
Дар Душанбе рақамикунонии хизматрасониҳои молиявӣ, рушди қарздиҳии ипотекӣ ва маблағгузории «сабз» баррасӣ шуд
Тоҷикистон ба қатори 3 давлати пешсафи ислоҳотгари соҳаи савдо дар минтақаи Аврупо ва Осиёи Марказӣ дохил шуд
Ҳайати Тоҷикистон дар ҷаласаи 17-уми Гурӯҳи баррасии татбиқи Конвенсияи СММ оид ба мубориза бо коррупсия иштирок дорад
