Дар Донишкадаи ҳарбӣ доир ба нақш ва аҳамияти татбиқи амалии Стратегияи муқовимат ба экстремизм ва терроризм вохӯрӣ баргузор шуд
ДУШАНБЕ, 06.11.2023. /АМИТ «Ховар»/. Дар Донишкадаи ҳарбии Вазорати мудофаи Ҷумҳурии Тоҷикистон вохӯрии курсантон бо намояндагони Кумитаи давлатии амнияти миллӣ доир шуд, ки дар он доир ба нақш, аҳамият ва татбиқи амалии Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 мубодилаи афкор намуданд, хабар медиҳад АМИТ «Ховар» бо истинод ба Вазорати мудофиаи ҷумҳурӣ.
Дар мулоқот изҳор гардид, ки имрӯз таҳдиди терроризму ифротгароӣ ба сулҳу суботи давлатҳо, таъмини ҳаёти осоиштаи мардумон, амнияту оромии бархе давлатҳо ва пешрафти самту соҳаҳои гуногуни ҷомеаи муосир хатарҳои ҷиддӣ эҷод намудааст.
Иштирокчиёни вохӯрӣ таъкид намуданд, ки дар шароити пайомадҳои сиёсию идеологӣ ва таҳдиду хатарҳо ба амнияту суботи давлатҳо, аҳли зиё ва дигар қишри фаъоли ҷомеи моро зарур аст, ки ба хотири тарбияи дурусти насли наврасу ҷавон тамоми роҳу воситаҳои таъсиррасонро истифода баранд. Зеро, ҷавонон қувваи бузург мебошанд ва бузургтарин масъулият, яъне ҳифзу ҳимояи Ватан бар зиммаи онҳо вогузор шудааст.
Иброз гардид, ки имрӯз хатарҳои терроризму экстремизм ҳар лаҳза шакл гирифта, барои мардуми сайёра таҳдиду хатарҳоро ба миён меоранд. Барои мувоҷеҳ нагардидан бо ин вабои аср маҳз иттиҳоду сарҷамъии давлатҳои минтақа ва ҷаҳон зарур аст.
Дар маҷмуъ метавон гуфт, ки маҳз самараи ташкили чунин чорабиниҳо ва гузаронидани ин қабил корҳои фаҳмондадиҳӣ мебошад, ки имрӯз дар ҷузъу томи Артиши миллӣ сифати таълиму тарбия ва маърифати ҳуқуқии ҳайати шахсӣ беҳтар гардидааст.
АКС: Вазорати мудофиаи Ҷумҳурии Тоҷикистон
Барои дарёфти «Ҷоми Вазири мудофиа» мусобиқаи тирпаронӣ баргузор шуд
Вазорати мудофиаи Тоҷикистон: «Ҳангоми таҳияи маводи таблиғотии низомӣ бо истифода аз «зеҳни сунъӣ» риояи оиннома ҳатмӣ аст»
Сабабҳои асосии рух додани садамаҳои нақлиётӣ кадомҳоянд? Ва ё чаро то ҳол ин вазъ нигаронкунанда боқӣ мемонад?
НИШАСТИ МАТБУОТӢ. Прокурори генералии Тоҷикистон аз паҳншавии моддаҳои психотропӣ, хусусан ҳабҳои синтетикӣ дар байни ҷавонон изҳори нигаронӣ намуд
Дар Конибодом оид ба даъвати баҳории ҷавонписарон ба сафи Қувваҳои Мусаллаҳи Тоҷикистон ҷаласаи ситоди шаҳрӣ доир шуд
Ҷаласаи сайёри Комиссияи байниидоравӣ оид ба муқовимат ба савдои одамон доир шуд
НИШАСТИ МАТБУОТӢ. Аз ҷониби мақомоти корҳои дохилӣ 111 гурӯҳи муташаккили ҷиноятӣ дастгир карда шуд
Раёсати Вазорати корҳои дохилӣ дар вилояти Хатлон: «Бар зидди паҳншавии воситаҳои нашъадор якҷоя мубориза барем!»
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
161 нафар муҳоҷирони экологӣ соли 2025 бо қитъаи замин ва кумаки яквақтаинаи моддӣ таъмин карда шуданд
НИШАСТИ МАТБУОТӢ. Дар Тоҷикистон соли 2025 беш аз 200 ҳодисаи табиӣ ба амал омадааст
