Дар Хатлон ҳамкорӣ бо шарикони рушд дар соҳаҳои мухталифи иҷтимоӣ баррасӣ гардид

Ноябрь 29, 2023 10:18

ДУШАНБЕ, 29.11.2023 /АМИТ «Ховар»/. 28 ноябр Раиси вилояти Хатлон    Давлаталӣ Саид бо намояндаи ЮНИСЕФ дар Тоҷикистон Артур ван Дизен мулоқот намуд, хабар медиҳад АМИТ «Ховар» бо истинод ба  Мақомоти иҷроияи ҳокимияти давлатии вилояти Хатлон.

Раиси вилоят Давлаталӣ Саид оид ба ҳамкорӣ бо шарикони рушд дар соҳаҳои мухталифи иҷтимоӣ изҳор дошт, ки бо дастгирии Ҳукумати Ҷумҳурии Тоҷикистон ва Хазинаи кӯдакони СММ (UNICEF) дар Тоҷикистон лоиҳаҳои зиёде дар соҳаҳои иҷтимоии вилояти Хатлон амалӣ шуда, қисмате дар ҳоли амалишавӣ қарор доранд. Амалишавии барномаҳои рушди тандурустӣ барои ҳифзи саломатии модару кӯдак ва  «Лоиҳаи «Мактаби бехатар: Пешгирии зӯроварӣ нисбат ба кӯдакон бо таваҷҷуҳ ба духтарон дар оила, мактаб ва ҷомеа» идома дошта, дар доираи онҳо корҳои назаррас баҳри баланд бардоштани некуаҳволии сокинони шаҳру ноҳияҳои вилоят ба анҷом расонида шуданд.

Дар доираи лоиҳаҳои дигари худ ЮНИСЕФ дар самти амалӣ гардонидани некуаҳволии оилаҳои камбизоат, баланд бардоштани устувории иқтисодӣ ва густариши татбиқи ҳуқуқҳои онҳо тадбирҳои зарурӣ меандешад.

Гуфта шуд, ки барои сайқал додани малакаи ҷавонон корҳои зиёде анҷом дода шудаанд. Ҳадаф аз фаъолият дар ин самт омода намудани кадрҳои ҷавобгӯ ба талаботи муосир мебошад. Инчунин вобаста ба ғизои солими модару кӯдак барномаи алоҳида фаъолият менамояд, ки натиҷаи хуб ба бор овардааст.

Артур ван Дизен – намояндаи ЮНИСЕФ дар Тоҷикистон гуфт, ки “14 сол мешавад дар ин созмон кор менамоям. Албатта, мо метавонем дар робита ба ғизои силими модару кӯдак, таҳсили фарогир, ҳодисаҳои фавқулода, тағйирёбии иқлим ва  мушкилоти экологӣ бо шумо ҳамкории бештар намоем”.

Ҳамзамон барои ҳамкорӣ ва мусоидат дар рушди соҳаи маориф ташкилот имконияти фарох дорад. Давоми соли гузашта дар ин самт корҳои зиёде анҷом дода шуданд. Ҳоло низ якчанд нақшаҳо тарҳрезӣ шудаанд, ки давоми соли равон метавонем ба он мусоидат намоем.

Раиси вилояти Хатлон Давлаталӣ Саид иброз дошт, ки “боварӣ дорам Хазинаи кӯдакони СММ дар Тоҷикистон дар оянда низ вилоятро дар самти амалӣ намудани барномаҳои иҷтимоӣ бештар дастгирӣ намуда, ҷиҳати баланд бардоштани сатҳи зиндагии аҳолии вилоят саҳми арзанда мегузорад”.

Раиси вилоят ва намояндагони шарикони рушд изҳори умедворӣ намуданд, ки ин ҳамкорӣ ба беҳтар гардидани вазъи некуаҳволии сокинон ва ҳалли мушкилоти дар соҳаҳо ҷойдошта мусоидат менамояд.

АКС: Мақомоти иҷроияи ҳокимияти давлатии вилояти Хатлон

Ноябрь 29, 2023 10:18

Хабарҳои дигари ин бахш

Муовини Сарвазир бо рафти корҳои сохтмонии манзилҳои зист барои оилаҳои аз заминҷунбӣ зарардидаи ноҳияи Рашт шинос шуд
Барои дар тобистон ба бемории дарунравӣ гирифтор нашудани кӯдакон чӣ бояд кард?
Даври сеюми Озмуни ҷумҳуриявии «Тараннуми Ватан» баргузор мегардад
Беш аз 190 ҳазор нафар наврасони вилояти Хатлон ба истироҳатгоҳҳо фаро гирифта мешаванд
«ТОБИСТОН-2025». Дар Тоҷикистон беш аз 250 ҳазор кӯдакону наврасон ба истироҳат фаро гирифта мешаванд
РӮЗИ ҶАҲОНИИ ЯХМОС. Чаро ин ширинии яхбастаро аз ҳама зиёд кӯдакон дӯст медоранд?
ҒИЗОИ СОЛИМ. Ҷаҳон Азонов: «Истеъмоли нодуруст ва аз меъёр зиёди ғизо давомнокии умрро кӯтоҳ мекунад»
Дар Бохтар бинои нави Беморхонаи бемориҳои дил ва маркази эндокринология сохта мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»