Дар хоҷагии деҳқонии «Икромҷон»-и ноҳияи Дӯстии вилояти Хатлон кишти картошка оғоз гардид
ДУШАНБЕ, 22.11.2023 /АМИТ «Ховар»/. 21 ноябр Раиси вилояти Хатлон Давлаталӣ Саид дар ноҳияи Дӯстӣ ба ҷараёни кишти зироати кишоварзӣ, аз ҷумла картошка дар хоҷагии деҳқонии «Икромҷон»-и деҳаи Дӯстии Ҷамоати деҳоти Деҳқонобод оғоз бахшид. Дар ин хусус АМИТ «Ховар» бо истинод ба шуъбаи иттилоотию таҳлилии дастгоҳи Раиси вилояти Хатлон хабар медиҳад.
Хоҷагии деҳқонии «Икромҷон» 2 гектарро ташкил дода, 2 нафар саҳмдор дорад. Самти фаъолияти хоҷагии деҳқонӣ ба пахтакорӣ ва зироаткорӣ нигаронида шудааст.
Роҳбари хоҷагии деҳқонӣ Қиёмиддин Каримов иттилоъ дод, ки баъд аз ҷамъоварии ҳосили гандум дар майдони 1 гектар картошка кишт мешавад.
Раиси вилоят пеш аз оғоз бахшидан ба корҳо бо сарвари ин хоҷагӣ ва роҳбарони самти кишоварзӣ мулоқоти сарироҳӣ намуда, ҷиҳати самаранок истифода бурдани заминҳои киштшаванда, сари вақт кишт намудани зироати ғалладонагӣ, картошка ва дигар маҳсулоти мавриди ниёзи аввали мардум дастуру тавсияҳои судманд дод.
Ҳоло дар хоҷагии деҳқонии «Икромҷон» кишти картошкаи барвақтӣ оғоз гардида, хоҷагӣ барои гузаронидани кишти дигар намуди зироат заминҳоро омода сохтааст.
Аъзои хоҷагӣ ҳар сол заминҳоро самараноку оқилона истифода бурда, 2-3 ҳосил мерӯёнанд ва дар таъмини амнияти озуқавории мамлакат саҳм мегузорад.
Раиси вилоят ба кишти картошка оғоз бахшида, ба хоҷагидор барои гузоштани саҳм дар рушди бахши кишоварзии ноҳия ва вилоят изҳори миннатдорӣ намуд.
АКС: Шуъбаи иттилоотию таҳлилии дастгоҳи Раиси вилояти Хатлон
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
