Дар номинатсияи «Беҳтарин ноҳия» Данғара сазовори ҷойи дуюм гардид

ДУШАНБЕ, 04.11.2023 /АМИТ «Ховар»/.  3 ноябр дар шаҳри Душанбе маросими ҷоизасупорӣ ва ҳавасмандгардонии ғолибони Озмуни ҷумҳуриявии «Беҳтарин шаҳру ноҳия, шаҳраку деҳот, деҳа, маҳаллаи аҳолинишин ва хонаи истиқоматӣ дар соли 2023» баргузор шуд, ки дар он ноҳияи Данғараи вилояти Хатлон аз рӯи номинатсияи «Беҳтарин ноҳия» сазовори ҷойи дуюм гардид. Дар ин хусус АМИТ «Ховар» бо истинод ба Шуъбаи иттилоотию таҳлилии дастгоҳи Раиси вилояти Хатлон хабар медиҳад.

Ғолибон дар номинатсияҳои хонаи беҳтарин, маҳаллаи аҳолинишини беҳтарин, деҳаи беҳтарин, беҳтарин деҳот, шаҳраки беҳтарин, ноҳияи беҳтарин ва шаҳри беҳтарин  бо  диплому мукофоти Кумитаи рушди маҳали назди Президенти Ҷумҳурии Тоҷикистон ва Мақомоти иҷроияи ҳокимияти давлатии шаҳри Душанбе сарфароз гардонида шуданд.

АКС: Шуъбаи иттилоотию таҳлилии дастгоҳи Раиси вилояти Хатлон