Дар Нуробод 8 комиссияи доимоамалкунанда ҷиҳати риояи қонуни танзими анъана ва ҷашну маросим бо сокинон корҳои фаҳмондадиҳӣ мебарад
ДУШАНБЕ, 12.11.2023. /АМИТ «Ховар»/. Давоми нуҳ моҳи соли равон дар ноҳияи Нуробод 10 ҳолати риоя нагардидани талаботи Қонун «Дар бораи танзими анъана ва ҷашну маросим дар Ҷумҳурии Тоҷикистон» ба қайд гирифта шуд, ки нисбат ба ҳамин давраи соли гузашта 3 ҳолат зиёд мебошад. Қонунвайронкунандагон ба маблағи 74 360 сомонӣ ҷарима шуданд. Дар ин хусус АМИТ «Ховар» бо истинод ба Мақомоти иҷроияи маҳаллии ҳокимияти давлатии ноҳияи Нуробод хабар медиҳад.
Тибқи иттилои масъулин, давоми нуҳ моҳи соли равон дар ноҳия 533 маърака ба қайд гирифта шуд, ки дар муқоиса ба ҳамин давраи соли гузашта 43-то кам мебошад. Хароҷоти умумӣ дар онҳо 1 миллиону 689 ҳазору 600 сомониро ташкил дод, ки ба ҳар як маърака 3 ҳазору 170 сомонӣ рост меояд.
Дар ноҳияи Нуробод риояи иҷрои талаботи Қонун «Дар бораи танзими анъана ва ҷашну маросим дар Ҷумҳурии Тоҷикистон» зери назорати ҷиддӣ қарор дошта, дар ин замина маъракаҳо камхарҷ гузаронда шуда, маблағҳои сарфашуда баҳри беҳтарсозии шароити зисти хонаводаҳо масраф гардида истодаанд.
Бо мақсади риояи қонуни мазкур дар ноҳия 8 комиссияи доимоамалкунанда ва 18 комиссияи ҷамъиятӣ фаъолият дорад.
Ёдовар мешавем, ки дар нуҳ моҳи соли 2023 дар ҷумҳурӣ 501 ҳолати қонуншиканӣ вобаста ба вайрон намудани талаботи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ба қайд гирифта шудааст, ки нисбат ба ҳамин давраи соли гузашта 21 ҳолат (ҳамин давраи соли гузашта 480 ҳолат) зиёд мебошад.
Тибқи иттилои Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон, ошкор намудани қонуншиканиҳо дар вилоятҳо ва минтақаҳои ҷумҳурӣ чунин аст: шаҳри Душанбе 45 (ҳамин давраи соли гузашта 36) ҳолат, Вилояти Мухтори Кӯҳистони Бадахшон 5 (ҳамин давраи соли гузашта 9) ҳолат, вилояти Суғд 150 (ҳамин давраи соли гузашта 146) ҳолат, вилояти Хатлон 166 (ҳамин давраи соли гузашта 189) ҳолат ва шаҳру ноҳияҳои тобеи марказ 135 (ҳамин давраи соли гузашта 100) ҳолат.
Дар ҷумҳурӣ бо мақсади таблиғу ташвиқ, фаҳмондадиҳии моҳияти Қонуни мазкур ва риояи талаботи он дар нуҳ моҳи соли равон аз тарафи комиссияҳои доимии танзими анъана ва ҷашну маросим 1103 семинару машварат ва мизҳои мудаввар доир карда шуд. Аз ҷумла, дар Вилояти Мухтори Кӯҳистони Бадахшон 30, вилояти Суғд 416, вилояти Хатлон 529, шаҳри Душанбе 1 ва шаҳру ноҳияҳои тобеи ҷумҳурӣ 127 чорабиниҳои мазкур баргузор гардиданд.
Рухсораи НУР,
АМИТ «Ховар»
АКС аз манбаъҳои боз
СОЛИ 2026 – СОЛИ ТАЪРИХӢ БАРОИ ХАЛҚИ ТОҶИКИСТОН. Сарзамини куҳанбунёд, аммо тозаистиқлоли мо 35-сола мешавад
Маҷлиси Ҳукумати Ҷумҳурии Тоҷикистон баргузор гардид
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
