Дар Сеул густариши ҳамкории Тоҷикистон бо Институти ҷаҳонии рушди сабз баррасӣ гардид
ДУШАНБЕ, 18.11.2023 /АМИТ «Ховар»/. Дар шаҳри Сеули Кореяи Ҷанубӣ вохӯрии ҳайати Кумитаи ҳифзи муҳити зисти назди Ҳукумати Ҷумҳурии Тоҷикистон ва намояндагони Институти ҷаҳонии рушди сабз (GGGI) барои таҳкими ҳамкорӣ дар мубориза бо тағйирёбии иқлим баргузор гардид, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон
Ҳадафи асосии мулоқот аз густариши ҳамкории Тоҷикистон бо Институти ҷаҳонии рушди сабз (GGGI) ва дигар ҷонибҳои манфиатдор дар Кореяи Ҷанубӣ доир ба ҳалли масъалаҳои марбут ба тағйирёбии иқлим иборат буд.
Ҷонибҳо дар мавзуъҳои мухталифи марбут ба амалиёти иқлим муколамаи созанда анҷом доданд. Пеш аз ҳама, онҳо густариши ҳамкории Тоҷикистон ва Институти ҷаҳонии рушди сабз (GGGI)-ро бахусус дар заминаи энергияи таҷдидшаванда ва рушди устувор баррасӣ намуданд. Аҳамияти ҳамкории минтақавӣ дар ҳалли масъалаҳои марбут ба тағйирёбии иқлим бо назардошти хусусияти фаромарзии мушкилоти экологӣ махсус таъкид шуд.
Намояндагони Институти ҷаҳонии рушди сабз — GGGI доир ба пайравии Тоҷикистон ба уҳдадориҳои хеш дар мубориза бо тағйирёбии иқлим ва фаъолияти густурдаи мамлакат дар ҳифзи муҳити зист изҳори назар намуданд. Ҷониби Институти ҷаҳонии рушди сабз — GGGI омодагиҳоро барои ҳамкории минбаъда бо Тоҷикистон, расонидани кумаки техникӣ, табодули дониш ва тақвияти тавонмандӣ ба Тоҷикистон тасдиқ намуда, бо боварӣ изҳор доштанд, ки Тоҷикистон ояндаи наздик дар бахши рушди устувори иқлими сабз яке аз пешқадамони минтақа мегардад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
